Wp/hz/Otjombinde

Otjombinde iimwe yozoresevate mOmaheke okuza kuindo zarwe indondatu Epukiro,Otjinene naMongua moNamibia mehi rakovakovere kozombwa zakuzema ewa ezorondu novandu varo.Otjombinde tjiri ape ozokilo omasere yevari nomirongo vine okuza kotjihuro ohongora mokarukonwa kaMaheke ihi Epako mohunandera yaKaeru korupindi mongoro yaToromb`orungwini.Otjombinde ookongwe ya Hikorua kokamuti kombepo ovanene puvatwarakumwe ozombango.Okombura kuitengokutemuna.Rukuuru tjinene ovandu mbaza kOmongua kehi rozomenje nokehi ra Pukiro omakarira ovature vaTjombinde muwo mumwari omatundu nozonganda nda Onganda ya Katau kaHeuva mumwakayenda ingomundomukweyuva woyakaherero ingwi yaKaunga Claudius Heuva,ingomundomukwauti waKazondyo ingwi ngozu Petrus Meneva Tjijenda pozonjosovikwara mbee,naingo mukweyuva omuhawari ingwi Elifas Kapirikua Katemune Tjingaete omukateta Katjikamauzuwo ooMburo ooMati na Hauanga oo Ngeke na Natuu navarwe ovengi otjoo Kautire Jeremia Tjiroze,Adam Ngunovandu Mcleod,Tjijateka Kaurivi novengi varwe mbayaruka kohurututu kongombe yaKatjiteo.

Otjombinde muno virongo ovingi tjinene novinene mozo hectara otja ngari omaturiro wovavapa moruveze ndo.Mehi raTjombinde ovandu vetumba novinamwinjo mbi kehupo rao ,ongombe,ongombo nozondu novitumbwa vyoponganda.

Motjombinde muna ozoskole ine otja C.Heuva,Traugott Kandorozu,Helena Primary naindji oDonkerbos yotjiuru Hetwig Kazarako. Otjombinde pondondo yopolotika tjihonaparerwa po oyotjira otjinane ihi oSwapo ngunda imbi oNudo,Swanu,RDP aviri ovipiruro vyatjo mOtjombinde.