Wp/hrx/Fuchs (Dier)
Als Fuchs nennd-ma kleene bis mittelgrose Allesfresser, wo zu ferschiedne Gattunge fun de Familje fun de Hunn (Canidae) geheere.[1] Sie hon en abgeflachder Schedel, uffrechte, dreieckiche Ohre, en spitz, leicht noh owe gericht Schnaus un en langer, putschicher Schwanz.
Zwellef Aarte geheere zu de monofiletische Grupp fun de „Echte Fichs“ fun de Gattung Vulpes. Weidre 25 heit noch existierende odder ausgestorrebne Aarte werre mannichmol aach Fichs gennend. Die geheere zu de parafiletische Grupp fun de siedamerikaanische Fichs odder ener defun begrenzde Grupp, wo aus Grosoherfuchs, Graufuchs un Inselfuchs bestehd.[2]
Fichs leve uff alle Kontinente auser de Antarktika. Die heifichst un aam weidste ferbreid Fuchsaart is de Rodfuchs (Vulpes vulpes) mit ungefäer 47 aanerkennde Unneraarte.[3] Die weltweid Ferbreidung fun Fichs un eer weid ferbreider Ruf als piffiche Diere hon zu eerer Bedeidung in de Populeerkultuer un Folkloer in fiele Gesellschafte weltweid beigedraa.
Rëferenze
- ↑ https://www.britannica.com/animal/fox-mammal
- ↑ Macdonald, David W.; Sillero-Zubiri, Claudio, eds. (2004). The biology and conservation of wild canids (Nachdr. d. Ausg. 2004. ed.). Oxford: Oxford University Press. p. 49. ISBN 978-0198515562.
- ↑ Lloyd, H.G. (1981). The red fox (2. impr. ed.). London: Batsford. p. 21. ISBN 978-0-7134-11904.