Wp/hrx/Bëlis

Belize
Bëlis
Bëlisisch Faan Bëlisischer Wove Faan Wove
Waalspruch: Sub umbra floreo "Im Schatte blieh-ich"
Offiziaalsproch	Englisch
Hauptstatt	Belmopan
Staatsforrem	parlamentaarisch Monarkie
Staatsowerhaupt	Keenich Charles III
Rëghierungsscheff	Eerster Minister Johnny Briceño
Flech	29.966 km² km²
Populazion	441.000 (2022)
Wärung	Bëlis Dollar (BZD)
Unabhengichkeed	21. September 1981 (fum Fereenichde Keenichreich)
Nazionaalhimm	Land of the Free
Zeidzone	UTC−6
Kennzeiche	BZ
ISO 3166	BZ, BLZ, 084
Internet-TLD	.bz
Tëlefonforwaal	+501
Laagh fun Bëlis

Bëlis is en Land aan de Nordostkist fun Zentraalamerika. Es grenzd im Norde aan Mexiko, im Oste aan das Karibische Meer un im Weste un Siede aan Guatemala. Im Siedoste hod-s aach en Wassergrenz mit Honduras. Bëlis is Mitglied fum CARICOM – Karibisch Gemeinschaft un is als Deel fun de Karibikrëghion un de historische Britische Westindje ausgesihn.

Die Maja-Zivilisazion hod sich zwischich 1500 v. Chr. un 300 n. Chr. ins Gebied fun Bëlis ausgebreid un hod bis ungefäer 1200 gebliehd. De Kontakt mit Ëuropa hod in 1502–1504 aangefang, wie Kristof Kolumbus langst dem Gollef fun Honduras gesehld hod. De Land hod in 1638 aangefang ëxploreerd se werre fun englische Kolonisde. Sowohl Spanje wie Grosbritannje hon das Land rëvindikeerd, bis Grosbritannje die Spanjer in de Batallje fun St. George's Caye (1798) besieghd hod. In 1840 is-es en britisch Kolonie gewaar un in 1862 en Kronkolonie. Aam 21. September 1981 hod Bëlis sein Unabhengichkeed fum Fereenichde Keenichreich konkisdeerd. Es is das eenzichste zentraalamerikaanische Festland, wo en Commonwealth-Reich is, mit Keenich Charles III als Monarrek un Staatsowerhaupt, wo dorrich en Gënëraalguvërneer rëprësenteerd is.

Bëlis sein Iwerfluss aan Land- un Meeresplanze un -diere un sein Diversiteet aan Ëkosisteme, inschlieslich grosflechiche Korallerësiffe, gewe ihm en Schlisselposizion im weltweid bedeidende Mësoamerikaanische Biologische Korrëtoer. Es is ausgesihn als zëntraalamerikaanisch un karibisch Nazion mit starrke Ferbinnunge sowohl aan die amerikaanisch wie aan die karibisch Rëghion.

Es hod en Flech fun 22.970 km² un en Populazion fun 397.483 (2022). Sein Festland is ungefäer 290 km lang un 110 km breid. Es is das aam wenichste un aam dinnste bewohnde Land fun Zëntraalamerika. Sein Hauptstatt is Belmopan un sein greest Statt is die gleichnaamich Statt Belize City. Das Land hod en divers Gesellschaft, wo aus fiele Kulture un Sproche bestehd. Es is die eenzichste zentraalamerikaanische Land, wo drin Englisch die Offiziaalsproch is, wärend Bëlisisch Kriol de aam weidste ferbreid Dialekt is. Spanisch is die zwettheifichst gesprochne Sproch, gefollichd fun de Maja-Sproche, deitsche Dialekte un Garifuna. Weche eerem unnerschittliche sprochliche Uersprung is iwer die Helleft fun de Populazion fielsprochich.