Wp/hrx/Argentinje
| República Argentina | |||||
| Argentinisch Rëpublik | |||||
| |||||
| Waalspruch: En unión y libertad "In Eenichkeed un Freiheed" | |||||
| Offiziaalsproch | Spanisch | ||||
| Hauptstatt | Buenos Aires | ||||
| Staatsforrem | Bundesrëpublik | ||||
| Rëghierungssistem | Prësidenziaal Rëpublik | ||||
| Staatsowerhaupt, zugleich Rëghierungsscheff | Prësident Javier Milei | ||||
| Flech | 2.780.400 km² km² | ||||
| Populazion | 46.044.703 (2022)[1] | ||||
| Populazion Dicht | 16,6 Inwohner pro km² | ||||
| Wärung | Peso (ARS) | ||||
| Unabhengichkeed | 9. Juli 1916 (fun Spanje) | ||||
| Nazionaalhimm | Himno Nacional Argentino | ||||
| Zeidzone | UTC−3 | ||||
| Kennzeiche | RA | ||||
| ISO 3166 | AR, ARG, 032 | ||||
| Internet-TLD | .ar | ||||
| Tëlefonforwaal | +54 | ||||
 Laagh fun Argentinje
| |||||
Argentinje (aach Arschentina odder Arschentin) is en Land in Siedamerika. Die Offiziaalsproch fun Argentinje is Spanisch. Argentinje umfassd en Flech fun 2.780.400 km² un is demit noh Brasilje das zwettgreste Land fun Siedamerika, das fiertgreste Land fun Amerika un das achtgreste Land fun de Welt. Es machd de greste Deel fum Siedkeghel un grenzd aan Chile im Weste, aan Bolivje un Paraguai im Norde, aan Brasilje im Nordoste, aan Uruguai un de Siedatlantik im Oste un aan die Drakestros aam Siede. Argentinje is en Bundesstaat, wo in 23 Provinze un en autonom Statt unnerdeeld is, wo die Hauptstatt un grest Statt fum Land is, Buenos Aires. Die Provinze un die Haupstatt hon eer eichne Konstituzione awer ëxistiere in enem fëdëraale Sistem.
Argentinje is en Rëghionaalmacht un behalld sein historischer Status als Mittelmacht in internazionaale Sache. Als wichticher Alliaate fun de Fereenichde Staate, wo keen Mitglied fun NATO is,[2] is Argentinje en Entwicklungsland mit dem zwettheghste IME (Index fun menschlicher Entwicklung) in Lateinamerika noh Chilë.[3] Es hod die zwettgrest Ëkonomie fun Siedamerika un is Mitglied fun de G-15 un de G20. Argentinje is aach en Grindungsmitglied fun de Fereende Nazione, de Weltbank, de Welthannelsorganisazion, dem Mercosul, de Gemeinschaft fun Lateinamerikaanische un Karibische Staate un de Organisazion fun Iberoamerikaanische Staate.
In de Provinz Misiones gebbd-s fiel Bewohner, wo dehemm un in de Gemeind Riograndenser Hunsrickisch spreche.[4]
Rëferenze
- ↑ "El INDEC difundió los resultados provisionales Censo 2022: 4 datos claves sobre la población argentina". Página/12. Abgeruf aam 31. Januer 2023.
- ↑ "Major Non-NATO Ally Status". Arkiveerd fum Originaale aam 27. Februer 2022. Abgeruf aam 21. Maai 2022.
- ↑ "Argentina – Human Development Index – HDI 2021. countryeconomy.com. Arkiveerd fun Originaale aam 28 May 2023. Abgeruf aam 28. Maai 2023.
- ↑ jstor.org: La territorialización de la germaneidad en los alemanes-brasileños de Misiones, Argentina por María Cecilia Gallero; Iberoamericana Editorial Vervuert (2001-) 2010. Abstrakt uff Englisch / Abstract in English: Riograndenser Hunsrückisch Sproch und kulturelle Identität in Argentinie. Webseite besucht am 3. März 2014].
