Wp/hoc/𑢮𑢢𑢷𑢩𑢳

𑢮𑣂𑣗𑣉𑣓 𑣖𑣂𑣅𑣈𑣑 𑣌𑣏𑣉 𑣝𑣂𑣝𑣂 𑣚𑣈𑣌𑣁𑣓𑣁𑣄 𑣖𑣂𑣞𑣁 𑣜𑣘𑣃𑣑𑣈𑣅𑣓 𑣜𑣈 𑣏𑣗𑣁𑣅𑣓𑣁, 𑣇𑣖𑣈𑣜 𑣖𑣂𑣅𑣈𑣑 𑣘𑣃𑣒𑣁𑣉𑣄 𑣌𑣓 𑣜𑣉𑣀𑣋𑣂𑣓 𑣗𑣁𑣙 𑣚𑣈𑣌𑣁𑣓𑣁 𑣖𑣂𑣞𑣁 𑣋𑣉𑣞𑣉𑣅𑣁𑣓 𑣜𑣈 𑣏𑣗𑣁𑣉𑣁𑣄.

𑣞𑣉𑣖𑣉𑣅 𑣖𑣂𑣅𑣈𑣑 𑣙𑣛𑣂𑣕𑣁𑣓 𑣋𑣛𑣁 𑣚𑣈𑣌𑣁𑣓𑣁 𑣖𑣂𑣞𑣁 𑣙𑣛𑣂𑣅𑣁𑣓 𑣜𑣈 𑣇𑣚𑣒𑣁 𑣕𑣈𑣔𑣉 𑣌𑣋𑣈 𑣜𑣃𑣅𑣈𑣄. 𑣆𑣓𑣁𑣖𑣈𑣓𑣕𑣈 𑣈𑣚𑣁𑣗𑣃 𑣎𑣂𑣗𑣉𑣓 𑣖𑣈𑣓𑣁𑣄 𑣜𑣈𑣋𑣈 𑣞𑣗𑣈𑣓 𑣌𑣃𑣞𑣃𑣜 𑣉𑣀𑣑𑣉 𑣌𑣃𑣘𑣃𑣞𑣃𑣜 𑣌𑣉 𑣗𑣋𑣈 𑣌𑣈-𑣈 𑣕𑣈

𑣚𑣀𑣔𑣁𑣅𑣁𑣗𑣃, 𑣎𑣋𑣁𑣜𑣈𑣅𑣁𑣗𑣃, 𑣉𑣀𑣑𑣉 𑣜𑣀𑣞𑣁𑣓𑣁𑣗𑣃.

𑢶𑣂𑣅𑣈𑣑 𑣉𑣈 𑣔𑣜𑣃𑣜𑣈 𑣔𑣃𑣗𑣁 𑣌𑣁𑣓𑣉𑣄 𑣜𑣈 𑣔𑣜𑣃 𑣜𑣘𑣃𑣑𑣉𑣄 𑣕𑣈𑣅𑣁𑣄 𑣏𑣃𑣆𑣚𑣁𑣉 𑣌𑣁𑣅𑣈 𑣗𑣉𑣜𑣉𑣅𑣁 𑣌𑣜𑣉𑣐 𑢨𑣓 𑣜𑣈𑣅𑣁𑣄 𑣗𑣂𑣝𑣉𑣁𑣞 𑣔𑣜𑣃 𑣜𑣈𑣔𑣉 𑣗𑣓𑣉

𑣁𑣅𑣁𑣄 𑣁𑣘𑣁𑣜𑣉𑣗 𑣏𑣈𑣕𑣁𑣓 𑣜𑣈 𑣕𑣆𑣓𑣁. 𑢨𑣓𑣌𑣁𑣋𑣈 𑣖𑣓𑣉𑣁𑣄 𑣓𑣂𑣎𑣉𑣜 𑣏𑣈𑣕𑣁𑣓 𑣜𑣈 𑣗𑣂𑣝𑣉𑣁𑣞 𑣕𑣆𑣓 𑣕𑣈𑣅𑣁 𑣔𑣉𑣜𑣌𑣁𑣜, 𑣈𑣒𑣁𑣄 𑣉𑣌𑣉𑣅𑣁𑣄 𑣔𑣅𑣁 𑣜𑣈𑣔𑣉 𑣗𑣓𑣉. 𑢶𑣓𑣉𑣁𑣄 𑣓𑣂𑣎𑣉𑣜𑣁𑣄 𑣞𑣃𑣓𑣔𑣉𑣜 𑣏𑣈𑣙𑣜𑣁, 𑣜𑣉𑣀𑣋,

𑣜𑣃𑣘 𑣆𑣔𑣂𑣌𑣁𑣕𑣈 𑣁𑣅𑣁𑣄 𑣘𑣉𑣜𑣌𑣃𑣕 𑣘𑣉𑣜𑣂𑣏𑣉𑣅 𑣔𑣉 𑣌𑣁 𑣗𑣆𑣓𑣁. 𑢡𑣅𑣁𑣄 𑣗𑣃𑣋𑣂𑣓 𑣘𑣆𑣒𑣂 𑣚𑣁𑣋𑣂𑣑 𑣞𑣉𑣖𑣁𑣎 𑣜𑣈 𑣖𑣂𑣅𑣈𑣑 𑣗𑣃𑣋𑣂𑣓 𑣘𑣉𑣜𑣂𑣏𑣉𑣅𑣈 𑣓𑣖𑣈𑣅𑣁𑣄.