Wp/hoc/𑢬𑢷𑢩𑢥 𑢱𑢩𑢫𑢩𑢼

𑢹𑢩𑢩 𑢸𑢩𑢵𑢢:-

• 𑢹𑣉𑣉 𑣙𑣅𑣖 𑣕𑣈 𑣉𑣚𑣁 𑣌𑣓 𑣘𑣃𑣕𑣂 𑣌𑣉,

𑢳𑣈𑣚 𑣋𑣈 𑣌𑣖 𑣞𑣃𑣌𑣃 𑣕𑣓𑣁 𑢶 𑣔𑣉.

𑢸𑣛𑣁𑣉 𑣕𑣈𑣅𑣄 𑣌𑣎𑣂 𑣎𑣋𑣜 𑣌𑣉𑣔𑣉,

𑢾𑣓𑣂𑣊 𑣜𑣈 𑣕𑣆 𑣅𑣓𑣁 𑣈𑣓𑣁 𑣌𑣉𑣔𑣉.

• 𑢹𑣃𑣔𑣁 𑣔𑣃𑣓𑣃𑣗 𑣙𑣉𑣗𑣓 𑣌𑣉𑣜𑣈,

𑢾𑣀𑣋𑣈 𑣙𑣉𑣉 𑣌𑣉 𑣋𑣉𑣉𑣛 𑣕𑣚𑣁𑣜𑣈.

𑢦𑣅𑣃 𑣌𑣈^𑣙𑣕𑣈𑣖 𑣌𑣎𑣂𑣆 𑣕𑣓 𑣈𑣞𑣃𑣋𑣈,

𑢹𑣗𑣁𑣜𑣊 𑣏𑣂𑣕𑣂𑣗𑣃 𑣈𑣕𑣉𑣓 𑣞𑣉𑣗𑣈𑣓 𑣋𑣈.

* 𑢬𑣎𑣂 𑣏𑣂𑣚𑣂𑣌𑣖 𑣑𑣁𑣌𑣜𑣁 𑣗𑣂𑣅𑣃𑣜𑣈 𑣕𑣓,

𑢸𑣆𑣒𑣂 𑣈𑣓𑣌𑣁 𑣔𑣉 𑣌^𑣙 𑣓𑣈𑣚 𑣓𑣖𑣉𑣄 𑣕𑣓.

𑢹𑣉𑣉 𑣌𑣉𑣔𑣉 𑣈𑣞𑣃𑣖 𑣞𑣉𑣖𑣎𑣁𑣉 𑣌𑣉 𑣕𑣓,

𑢶'𑣄 𑣌𑣎𑣂 𑣔𑣉𑣖 𑣔𑣉𑣅𑣁 𑣌𑣃𑣓𑣑𑣖𑣈 𑣕𑣓.

* 𑢨𑣞𑣃𑣖 𑣞𑣈𑣀𑣅𑣁 𑣖𑣈𑣀𑣅𑣁 𑣕𑣓𑣁 𑣖𑣈𑣓𑣕𑣈,

𑢶𑣜𑣀 𑣘𑣉𑣔 𑣘𑣉𑣔𑣗𑣂 𑣜𑣈𑣖𑣁 𑣖𑣈𑣓 𑣌𑣉𑣕𑣈.

𑢹𑣃𑣔𑣁 𑣜𑣈𑣌𑣉 𑣔𑣃𑣓𑣃𑣗 𑣋𑣉𑣖𑣌𑣈 𑣕𑣑 𑣖𑣈𑣅𑣁,

𑢹𑣉𑣉 𑣌𑣉 𑣙𑣉𑣒𑣁𑣖 𑣇𑣔𑣃𑣗𑣁 𑣌𑣉𑣁 𑣖𑣈𑣓𑣕𑣈.

* 𑢶 𑣔𑣉 𑣖𑣕𑣈 𑣁𑣁𑣑 𑣞𑣉𑣑 𑣔𑣉𑣑𑣁 𑣌𑣓,

Z𑣀𑣝 𑣗𑣉𑣀𑣝 𑣌𑣃𑣜𑣞𑣂𑣓𑣁𑣖𑣁 𑣌𑣖 𑣁𑣔𑣁𑣓.

𑢳𑣃𑣕𑣃𑣖 𑣕𑣈 𑣋𑣈𑣏𑣁 𑢶 𑣖𑣜𑣀𑣁 𑣌𑣓,

𑢵𑣕𑣖'𑣄 𑣓𑣃𑣕𑣃𑣖 𑣋𑣈 𑣌𑣖 𑣁𑣔𑣁𑣓.

* 𑢹𑣉𑣉 𑣘𑣃𑣕𑣂 𑣓𑣂𑣕𑣂𑣜 𑣘𑣂𑣓𑣕𑣂𑣜 𑣜𑣈,

𑢺𑣕𑣜 𑣜𑣈𑣓𑣌𑣉𑣋𑣈 𑣘𑣃𑣜𑣄 𑣁𑣏𑣃𑣓 𑣋𑣈.

𑢹𑣅𑣖 𑣞𑣓𑣁𑣋𑣉𑣖 𑣞𑣋𑣉𑣖 𑣚𑣋𑣂𑣑 𑣋𑣈,

𑢨𑣓𑣌𑣉 𑣚𑣉𑣚𑣉 𑣕𑣓𑣁 𑣘𑣃𑣜𑣄 𑣎𑣕𑣂 𑣋𑣈.

* 𑢹𑣗𑣁𑣜𑣊 𑣏𑣂𑣕𑣂 𑣕𑣈 𑣉𑣚𑣁𑣌𑣓 𑣘𑣃𑣕𑣂𑣌𑣉,

𑢴𑣉𑣌𑣓 𑣜𑣈𑣅𑣉 𑣌𑣙 𑣓𑣖𑣉𑣄 𑣓𑣈𑣅𑣁𑣌𑣉.

𑢴𑣂𑣌𑣂𑣃 𑣚𑣂𑣘𑣂 𑣕𑣈 𑣉𑣚𑣁𑣌𑣁𑣓 𑣙𑣉𑣉 𑣘𑣃𑣕𑣂 𑣌𑣉,

𑢬𑣂𑣜𑣂𑣊𑣈 𑣌𑣉 𑣙𑣉𑣉 𑣎𑣁 𑣋𑣉𑣓𑣉𑣊 𑣜𑣈𑣅𑣉.

𑢳𑣈𑣓𑣁 𑣔𑣉 𑢮𑣉𑣒𑣉 𑢮𑣉^𑣙 𑣕𑣓𑣁.

* 𑢹𑣉𑣉 𑣘𑣃𑣕𑣂 𑣎𑣃𑣔𑣂𑣖 𑣎𑣉𑣕𑣉𑣓𑣈𑣅𑣁,

𑢮𑣁𑣕𑣂 𑣏𑣈𑣕𑣓 𑣕𑣈𑣖 𑣕𑣃𑣚 𑣜𑣌𑣁𑣗𑣈𑣅𑣁.

𑢳𑣈𑣓 𑣜𑣈 𑣈𑣓𑣀 𑢶 𑣓𑣈𑣚 𑣓𑣖 𑣇𑣜𑣃𑣖𑣈𑣅𑣁,

𑢶'𑣄 𑣎𑣁𑣕𑣂 𑣗𑣂𑣕𑣂 𑣕𑣖 𑣏𑣂𑣖𑣂𑣓 𑣖𑣁𑣜𑣃 𑣋𑣈𑣅𑣁....