Jump to content

Wp/hoc/"𑢷𑢹 𑢴𑢣𑢼𑢠"

From Wikimedia Incubator

< Wp | hoc

Wp > hoc > "𑢷𑢹 𑢴𑢣𑢼𑢠"

𑢶𑣂𑣅𑣑 "𑢷𑢹 𑢴𑢣𑢼𑢠":-

[edit | edit source]

𑢹𑣗𑣁𑣜𑣊𑣏𑣂𑣕𑣂 𑣉𑣓𑣉𑣚 𑣗𑣂𑣕𑣂...

𑢷𑣂𑣕𑣂 𑣋𑣉 𑣇𑣜𑣃𑣖 𑣎𑣉𑣊 𑣖𑣈.

𑢯𑣂𑣕𑣂 𑣗𑣂𑣕𑣂 𑣙𑣗𑣊𑣋𑣁 𑣗𑣂𑣕𑣂...

𑢯𑣂𑣕𑣂 𑣋𑣉 𑣏𑣂𑣓𑣁 𑣎𑣉𑣊 𑣖𑣈.

𑢷𑣙 𑣎𑣔𑣃𑣜 𑣓𑣂𑣔𑣁 𑣋𑣉 𑣞𑣂𑣊𑣋𑣂...

𑢾𑣂𑣊𑣋𑣂 𑣔𑣉 𑣎𑣉𑣖 𑢳 𑢦 𑣖𑣈.

𑢾𑣜𑣎𑣉𑣖 𑣗𑣁 𑣗𑣙 𑣚𑣈𑣓𑣈 𑣅𑣈𑣕𑣈...

𑢫𑣈𑣓𑣁,𑢫𑣑𑣃𑣁𑣙 𑣔𑣃𑣜𑣀 𑣎𑣉𑣊 𑣖𑣈.

𑢾𑣈𑣗𑣁𑣆 𑣖𑣈 𑣋𑣉 𑣔𑣈𑣝𑣁𑣇𑣚𑣂...

𑢯𑣚𑣆 𑣖𑣈 𑣋𑣉 𑣇𑣚𑣂 𑣜𑣁𑣞𑣂.

𑢷𑣉𑣀𑣋𑣆 𑣖𑣈 𑣋𑣉 𑣁𑣁𑣜𑣄 𑣞𑣀𑣑𑣂...

𑢡𑣋𑣃𑣁 𑣖𑣈𑣅𑣁𑣈 𑣞𑣃𑣌𑣃 𑣞𑣃𑣖𑣃𑣌𑣂.

𑢬𑣂𑣚𑣂 𑣖𑣂𑣚𑣂 𑣌𑣂𑣚𑣂 𑣞𑣊𑣋𑣉𑣕𑣂...

𑢬𑣂𑣚𑣂 𑣋𑣉 𑣓𑣃𑣔𑣃𑣗𑣁 𑢭 𑣖𑣈.

𑢮𑣁𑣕𑣂 𑣘𑣁𑣕𑣂 𑣎𑣁𑣕𑣂 𑣘𑣂𑣜𑣉𑣕𑣂...

𑢮𑣁𑣕𑣂 𑣋𑣉 𑣏𑣃𑣓𑣑𑣃𑣚𑣁 𑢭 𑣖𑣈.

𑢬𑣂𑣚𑣂 𑣋𑣉𑣖 𑣓𑣃𑣔𑣃𑣗𑣁𑣍 𑣜𑣈...

𑢬𑣂𑣚𑣂 𑣋𑣉 𑢭 𑣌𑣂𑣚𑣂 𑣖𑣂𑣞𑣁 𑣖𑣈.

𑢮𑣁𑣕𑣂 𑣋𑣉𑣖 𑣎𑣋𑣜𑣁 𑢭 𑣜𑣈...

𑢮𑣁𑣕𑣂 𑣋𑣉 𑢭 𑣎𑣁𑣕𑣂 𑣕𑣚𑣁 𑣖𑣈.

Retrieved from "https://incubator.wikimedia.org/w/index.php?title=Wp/hoc/%22𑢷𑢹_𑢴𑢣𑢼𑢠%22&oldid=5169835"

Wp/hoc