Wp/hke/AKICHI KONGO

Akichi Kongo

AkichiKongo lwichi lunene lwa mwa Afurika ya ha katikati/ Axoko yalo itangirire mwa malambo mwa bihati bya Kongo ya KItemokarasia n'abihuo bya Afurika ye tako. Akichi kino kiiremo sindi nyichi nyingi sositengire mu bindi bihuo.(H nyingi mwa nyichi sixokire mwa kihuo kya Kongoho). niye lwayeiuma mwa Nyancha nene ya Atalandika.YE kihati kya Kongo Kinshasa, na Kongo Burasafile, ne Angola.Akiche ky'axoko akilukwa mbu: Lwalaba neri Lualaba,na mwa myaka 1970 na 1990 mwa "zirianisation" akihuo kyoshi kya Kongo Kinshasa kyabaa kinalukwa "Zaire" n'akichi Kongo kyoshi ni kinalukwa " Kichi Zaire"

Akichi kino kiwete bǔle bwa bilometere 4700. Ikulikirana (n'amipfumba) 80832mètre cube/s amechi momanatsukamo mu sekonde nguma akichi kya Kongo kyo kya munane ineulu hoshi. Kwelindirira bobanapima abule bw'amundubi w'amechi, a"sonar" ya mwa 2008 yabulaa mbuhe aKichi ky'aKongo^[1].^[2]

Matsina

Mwa kiranga amashango manene m’Akichi Kongo mahikaamo amuReno Diego Cao mwa mwaka 1482 nianahimba nguliro mu mabǎle kwebwerekya ku ye muběre amehika ka musike w’alwichi ulo. Na batyo ku akiichi niakinatolwa aretsina mbu ye « Rio de Pedrao » (rebula mbu « lwichi loluliko nguliro ». Arexunga ku ira luulu w’alwichi iri bandu, nianaha aabwami ubo aretsina mbu ye Kongo. Abandu berapfulu ba mwa kiche umo babaa banaluka akichikyo mbua ye Nsati (« Kichi ») neri mwa muneenere wa kasinasina kabo mbu Nsai. Mwa kinyeana kye XVI, abareno niabanabindula Nsai mbu ye « Zaire ». Ihuluka mu mwaka 1971 ku hika mu 1997 Mobutu nianatsimba aretsina ne kolesaro kweahula akihuo kyoshe kya Kongo n’akichi Kongo.

Kwa mira kutsibu akihuo kya Kongo kyabaa kinalukwa mbu ye « Barabila » neraluulu w’akichi ni inalukwa mbu ye Lwalaba neri Lualaba^[3].

Buxonderetsi

Inyuma y’abuxonderetsi bubere bwa Diego Cao kwehika mwa mashango manene m’akicchi Kongo mwa nsindiro y’akinyeana kye XV, mwa 1816 niyekwendexubehika bandi baxonderetsi ni baimanirirwa na mungeresa James Kingston Tuckey. Niabanaurukana n’akichi kuhika i Isangila. Henri Morton Stanley ye munyaburǎya muběre kweurukana n’akichi Kongo. Nianapfulao ku aLualaba (lindi tsina ly’akichi Kongo) ite ye xóko y’akichi kya Nil nga koro babaa banerepfulao mwa biranga umo.

Mwa mwaka 1885 a « Institut National de Bruxelle » niainatsimba mucheremani na muAusitiria : (Eugn Zintgraff ne Josef Chavanne mbu yebakole kishushani ky’akichi. Itengera kwa mashango manene ku hikira kwa bihira bya Stanley Pool. Chavanne ne Eugn Zintgraff niabanaenda itengera i Nsumba ne hika kwa malambo me Yellela. Niabanatangirira amirimo ha kati ke Punta da Lenha ne Boma. Niabanabwarekya kwe Boma^[4] ne Banana koro haitsimbire. Niabanabanehimba kibu kyesisiritsa aluero lw’abutuku. Abarai babiri aba, bobatumaa kuboneka byobyawasikyaa kweshushanya akiche kye tako ky’akichi Kongo.

Abukungu bw'Akichi Kongo

Nakiro abihira bya Livngstone byalua mwa Kichi Kongo kitatuma abandu batatsuka kwa mechi na bwato kuhika kwa nyancha nene ya Atalandike . Akichi Kongo kinatsukwako ku biche biuma biuma. Kutsibu ha kati ke Kinshasa ne Kisangani mu bilometere2495. Amituka y’amûtsi yeineretsuka mitambyo niaitambirira kwa musike w’abihira bishatu binene binene. Na buchurusi bungi bwa mwa afurika ya ha kati, buneretsuka kwa Kichi Kongo.Nitwaancha abuchurusi bwa : « pauni (cuivre), amapfuta ma mungasi, asukali, akawa, n’ápámba...

Na mwa Kichi Kongo munatenga muchǎnwa wa kura, n’AMIKIKO y‘ABIHIRA bye INGA mwe shǐshi wa Pool Malebo bye biběre kwekolesa muchanw’oyu.

Mwa mwaka wa 2005 a « compagnie d’electricité national d’Afrique du Sud niainaleta muanikire weongrera amaǎla m’amuchanwa w’AMKIKO Y’ABIHIRA BYE INGA ni bahimba amanyumba n’abindi bikoleso bixondotsi. Nibaxubehimba kushe amikiko ya bihira. Ikulikirana na bobaletaa amuanikire, amuhio (projet) uyo watumaa kuboneka muchanwa mungi kuhika ku 40GW. Nitwakuba kabiri amuchanwa w’abihira y’amikiko y’abihira bya mwa Bushinwa byebinalukwa mbu bye Trois-Gorges^[5].

Bulingalinga (Sheokarafia)

Akichi Kongo lwichi lunene lwa mwa Afurika ya ha kati. Ikulikirana n'amipfumba yerenetsukamo ku sekonde nguma (80832m³/s), akichi Kongo kyo kya kabiri ilingiriranya n'abungi bw'amipfumba yerenatsukamo . Nilwaxubeba lwa kabiri kwa bulebule mwa Afurika kulikira akichi kya Nile.^[6].

Alwichi ulu lunatsukako máto. Hali biche biumabiuma byobirimo bihira waxondehika I Kisangani na hakatikati ke Kinshasa n’angetsi nene ya Atalandike.

Tukeongerera ko abule bw’alwichi lwa Chambechi abyoshe hauma ni 4700Km (2922miles). Nekyo kyakituma luba lwichi lwa kabiri mwa bule mwa Afurika niaikulikira akichi kya Nile . Ineulu hoshi akichi Kongo ni kyanchiwa kya munane. Akichi Kongo n’assandabi sakyo bitsukire mwa ndokolo nene ya kabiri ineulu hoshi^[7]. Tukesisiritsa kushe alwichi ulu ni lo lwa kabiri isindera abunene bw’amipfumba yeneetsukamo. Lo lwichi lukimiriremo sindi xoko nyingi ineulu hoshi. Ni lwakulikira akichi kya Amasone Saxoko s’akichi Kongo ali sitengire bunyaluulu na sindi sitengire bunyetako wa EKWATERE. Nekyo kyekinatuma amipfumba itashiba ibinduka binduka. Hatausha xoko nguma niyereba niewamo mpfula^[8].

Akichi Kongo kixokire mwa bitwa bya mwa kikyangukyangu kinene kya mwa ndangalishi ra Afrika, nga kuno angetsi ya Tanganyika n’angetsi ya Moero ye ikimirire mwa Lualaba nalo ye Kichi Kongo he tako wa bihira bye Boyoma .Mwa kihuo kye Zambia bechi ku, alwichi Chambeshi ye xoko yaKichi Kongo Ikulikirana n’amucho warebula mbu he akechi kake kale kulengya ahindi ni ye xoko y’alwichi lunene nga koro banaahula akichi kya Nil.)

Itengera i Kisangani akichi KONGO akishenda niakiya mwa luoloolo kwihikira mwa ndangiro y’abihira. Mwa luoloolo lwe tako akichi Kongo ni kyayetsuka i Mbandaka , iyo ni lwayekorana ne Ubangi kweshendera i Pool Malebo (Stanley Pool). Amutsi munene we Kinshasa ( wabaa analukwa kwa mira mbu ye Léopoldville) aashamirene n'amutsi we Burasafile mushirya ku undi w'akichi Kongo mwa bulingalinga bwe Pool Malebo h'akichi Kongo kikehakehire kbushi amechi amatsuka mu mpfǒmpfo y'amabale, na mu bihira, na bikungulubwe na byoshe'bi byebinalukwa mbu bye bihira bya Livingstone. Amechi ni mashendera i Matadi ne Boma, inyuma yaho akichi ni kyaiuma mwa ngetsi nene ya Atalandike mwa mitsi we Muanda.

Kiche kye luulu

Lwalaba

- itengera kwa xoko y'alwichi kuhikira i Kisangani kyo kiche kye luulu ky'akichi Kongo. Kwa kiche kuno akichi KOngo ni kikinali lwichi lukeluke, na bionye bionye, na bihira, kubushi bw'abitwa n'amalambo mw'akichi kitsukiremo.

Lubudi
Lufira
Lwapula puis Luvwa
Lukuga (rivière), exutoire du lac Tanganyika
Lwika
Lwama
Lulindi
Mulongoi
Kunda
Lubutu
Lukange
Kihamuwa
Loho
Elila
Ambe
Kasuku
Ulindi
Lowa
Lindi, Tshopo

Akiche kya ha kati

Akiche kino kitsimbire akongo ye luulu n'aKongo ya ha katikati. Kitsukire mwa kihyahya kinene kya kihuo. N'kyoshi kinatsukamo mato . Muli bisánga na hyabitwa hya mushée. I Makansa, abaulǎli bw'alwichi abushembashemba itengera ku metere 25 kuhika ku metere 30.

topographique du bassin versant du Congo.

Kongo ye Luulu — itengera i Kisangani ku hikira i Mbandaka :

· Lomami

· Lukombe

· Ituri ne Aruwimi

· Moliba

· Itimbiri

· Mongala

· Ebola ne Dua

· Giri

· Lulonga = amubuanano wa Maringa na Lolopori

· Maringa

· Lopori

· Ikelemba

Kongo ya ha katikati — Ihulukira i Mbandaka ku hikira i Burasafile/Kinshasa :

· Ruki

· Tshuapa

· Lomela

· Momboyo

· Oubangui (mwa Repubulika ya Mwa katikati ka Afurika); luliho mwa muongerero wa Uele na Mbomu.

· Uele

· Mbomou

· Sangha

· Kadeï

· Ngoko

· Likouala

· Lokoro

· Nkéni

· Léfini

· Kasaï neri Rio Casai (mwa Angola). Kwa ha kati k'akechi kake ne Fimi na Kichi Kongo.

· Fimi

· Kwilu

· Kwango

· Wamba

· Sankuru

· Luluwa

· Tshikapa

· Lukaya

· Lufimi

· Nsele

· Ndjili

· Fula

· Gombe

Kongo ye tako neri Kongo ndere

topographique du bassin versant du Congo.

Haut Congo — de Kisangani à Mbandaka :

· Lomami

· Lukombe

· Ituri puis Aruwimi

· Moliba

· Itimbiri

· Mongala

· Ebola et Dua

· Giri

· Lulonga; iriho kwa muongerero wa Maringa na Lolopori

· Maringa

· Lopori

· Ikelemba

Kongo ya ha kati — itengera i Mbandaka kuhikira i Brazzaville/Kinshasa :

· Ruki

· Tshuapa

· Lomela

· Momboyo

· Oubangui (mwa Répubulika ya mwa kati ka Afurika); iriho mwa mubuanano wa Uele na Mbomou

· Uele

· Mbomou

· Sangha

· Kadeï

· Ngoko

· Likouala

· Lokoro

· Nkéni

· Léfini

· Kasaï neri Rio Casai (mwa Angola). Kwa ha kati k'akechi kake na Fimi n'akichi Kongo

· Fimi

· Kwilu

· Kwango

· Wamba

· Sankuru

· Luluwa

· Tshikapa

· Lukaya

· Lufimi

· Nsele

· Ndjili

· Fula

· Gombe

Congo ye tako neri kiche kye tako

- itengera i Burasafile/Kinshasa kuhikira kwa mashango manene m'akichi Kongo n'angetsi nene ya Atalandike: alwichi ni lwaiabamo biche bibiri.

Itengera i Kinshasa kuhika i Matadi (350km), akichi kitsukire mwa Bitwa Bangu. Nihaanchwa bihira 32. Nekyo kyakituma hataba nchira ya bwato.

Kwihulukira kwa ngetsinene , (mu bilometere 137), akichi kiriko buholo n'amato manatsukako ni mauruka mwa lwichi. Ha kati ke Boma ne Banana , hali bisanga byufi byufi biriko na bitǒnga biabire akichi Kongomo ndabi nyingi.

Foulakari
Inkisi
Luvu ou Lufu
Mpozo
Bundi

Sandabi nene s'akichi Kongo

Lwalaba — watengera i Kisangani :

Kewe, Mbie

Kongo ye luulu — watengera i Kisangani ku hikira i Mbandaka :

Eboro, Umata, Ifandu, Esabo, Elumba, Elima, Esumba, Ukaturaka, Sumba, Elolo, Sondji, Bolimba, Ilata, Maita, Kale-Kale

Kichi Kongo kya ha kati — itengera i Mbandaka kuhika i Brazzaville/Kinshasa :

Nkasa, M'Bamou

Kichi Kongo kye tako - itengera i Brazzaville/Kinshasa kuhikira mwa ngetsi ya Atalandike:

Mateba

Amitsi minene minene

Boma, Bumba, Brazzaville, Kinshasa, Kisangani, Matadi, Mbandaka

Nengo ya mipfumba - Amipfumba i Kinshasa

I Kinshasa mutsi mukulukulu wa Kongo Kinshasa ali mu bilometere 3937 itengera kwa xoko . Na bilometere 480 watengera kwa ngetsi nene ya Atalandike. Amipfumba y'akichi Kongo yamelolekeretsibwa mu myaka 81(1903-1983)^[9].

Mu mwaka muuma amipfumba y'akichi Kongo aishembashemba mu 39536m³/s mu buǎli bwabushembashemba hofi nga 3475000 km² hofi nga 95 % y'amechi moshi momanashenda mwa kihyahya kinene maali amaya mwa Kichi Kongo.

^{Mwa kihyahya kinene kya Kongo mu mwaka muuma amechi momanaingira kwelobya abutaka ( lame d'eau) manahika hofi nga milimetere359.}

Akichi Kongo luuma mwa nyichi sa mwa Afurika na ineulu hoshi , amipfumba yato itashiba ibinduka. Amipfumba mingi, n’amechi manaba ni manaluire mu kinsi kyǎnda. Ngendo nyingi amuanda w’amipfumba inaanchibwa mu mwetsi wa Nakauluka mipfunda (Août). Mwa kashangi amechi malimakehire mwa kichi Congo ni mahikira ku 31086 m³/s, n'amechi aya amashembashemba iba manga ti ki

e kiuma kya kabiri (1/2) ky'amechi m'akichi Kongo kya mu mwatsi wa Buhindire (Décembre). Mu kianiro kyaa myaka lunane na muuma (81ans) amuanda w'amipfumba aishembashemba hofi ku 22531 m³/s. N'amipfumba mingi aishembashemba hofi nga ku 80832m³/s.

Areshenda r'abibolětsa

Mwa mwaka muuma alwichi luno lunakúkúla toni mirioni 86 (86000000 tonnes) ya byebinashenda mwa kichi Kongo kuhika mwa ngetsi ya Atalandika. Na 6 % ya bindi binashenda niabitsukira mwe shǐshi w'amechi kwa mushée mushée^[10].

Abilalo neri Amashánda

Ishánda re Kongolo n'areshada re Matadi mwa kihuo kya kitemokarasia ya Kongo

Ishanda alihanga ha kati k'amutsi munene we Kinshasa n'amutsi munene we Burasafile.

Xoko y'abinwa bino

↑ Measurements4LowerCongo-6.pdf (usgs.gov)
↑ Earth’s Deepest River Conceals an Evolutionary Mystery - The New York Times (nytimes.com)
↑ Marianne Mulon — Wikipédia (wikipedia.org)
↑ CHAVANNE (Joseph) | RAOS (kaowarsom.be)
↑ Page Not Found | The Guardian
↑ Amazone (fleuve) — Wikipédia (wikipedia.org)
↑ https://web.archive.org/web/20191208204608/https://fr.rainforestfoundationuk.org/media/a603d0b5-60f4-48ac-89bc-434c1d379a18
↑ The Congo Rainforest (worldrainforests.com)
↑ http://www.grdc.sr.unh.edu/html/Polygons/P1147010.html
↑ (en) Hanibal Lemma et collègues, « », Journal of Hydrology, vol. 577,‎ 2019, p. 123968 (lire en ligne [archive]).

Lugulira na hano (Annexes)

Bitabo byobineenire kw'ibi

François Neyt, Fleuve Congo, Fonds Mercator, Bruxelles, 2010, 400 p.
Franz Bultot et Gérard L. Dupriez, Niveaux et débits du fleuve Zaïre à Kinshasa : régime, variabilité, prévision, Académie royale des sciences d'outre-mer, Bruxelles, 1987, 49 p.
Marc Colyn, L'Importance zoogéographique du bassin du fleuve Zaïre pour la spéciation : le cas des Primates simiens, université Rennes 1, 1989, 323 p. (thèse)
Jean Meulenbergh, Diffusion des eaux du fleuve Congo dans les eaux de l'Atlantique Sud, Académie royale des Sciences d'Outre-Mer, Bruxelles, 1968, 149 p.
James Kingston Tuckey, Relation d'une expédition entreprise en 1816 sous les ordres du capitaine J.K. Tuckey, pour reconnoître le Zaïre, communément appelé le Congo fleuve de l'Afrique méridionale ; suivie du journal du professeur Smith, et de quelques observations générales sur les habitants, et l'histoire naturelle de la partie du royaume du Congo arrosée par le Zaire ; le tout précédé d'une Introduction expliquant les motifs qui ont déterminé ce voyage (traduit de l'anglais par l'auteur de Quinze jours à Londres), Librairie de Gide fils, Paris, 1818, 2 vol.
Roland Pourtier, Congo un fleuve à puissance contrariée, 2021, 272 p.