Wp/gcf/Mai-Galant

From Wikimedia Incubator
< Wp‎ | gcfWp > gcf > Mai-Galant
Jump to navigation Jump to search

Mari-Galant sé on lil fwansé adan bannzil karayib-la. I ansanm épi lézot zil Gwadloup, ki sé: Granntè, Bastè, Dézirad, Ti-tè é Lésent. Lil-la ka fè 158 kilomet karé é tini twa komin Mari-Galant: pli gran la sé Granbou, lézot-la sé Sen-Lwi épi Kapestè. Tini pres 13000 moun ka rété anlè lil-la jòdi-jou.

Mari-Galant sé yon ti paradi avè onlo plaj a sab jòn: - Sen-Lwi: Lans Di Kok, Lans Banbou, Plaj Vyéfò, Lans Kannot, Lans Dimé, Litoral, Plaj Sen-Lwi - Granbou: Plaj Folans, Plaj Twazilé, Lans Balet, Plaj Twazyem-Pon, Plaj Lébas - Kapestè: Plaj Titans, Plaj Laféyè, Lans Féya, Lans Taliswon

Tini onlo dot biten pou vwè: - Gel Gran Gouf, sé on gran twou ki fouyé adan falez-la é adan kiles lanmè-la ka rantré - Kay Plat, sé on falez plat anba kiles lanmé ka rantré - Moulen Béza, sé on moulen yo rikonsui avè zel a-y - Bitasyon Mira, sé on bitasyon an tan lontan moun pé vizité - Bitasyon Wousel ...

Pli gran kilti a Mari-Galant sé kann avè kiles yo ka fè sik é wonm. Lizin-la sé Grantans i yé é tini twa distilri ki an fonksyon: Byel, Pwason (Wonm Pè Laba) é Belvi. Lares ékonomi a moun Mari-Galant sé péché-pwason, travay tè (ziyanm, madè, pwa-di-bwa, ...) é élivé zannimo (bef, kabrit, kochon, ...)