Wp/gbm/धनेश कोठारी

धनेश कोठारी (IPA: dʰənes koʈʰə:ɾi) गढ़वळीऽ यऽक पसिद्ध कवि छन।

कबिता-संग्रै

"ज्यूंदाळ" यूंऽ पैलू कबिता-संग्रै च।

ज्यूंदाळ बटि पस्तूत​ छन कुछ कब्यांश

"म्यारा डेरम्"

गणेश च चांदरु नि नारेण च पुजदारु नि

उरख्याळी च कुटदारु नि जांदिरी च पिसदारु नि

डौंर थाळि च बजौंदारु नि पुंगड़ा छन बुतदारु नि

ओडु च सर्कोंदारु नि गोरु छन पळ्दारु नि

मन्खि छन बचळ्दारु नि बाटा छन हिटदारु नि डांडा छन चढ़दारु नि

"मेरि स्याणि"

मेरि स्याणि मेरि गाणि आगास सि अनन्त छन

समोदर कि टफाक हिमालै मा दरिद्रता बटि समरिद्धी तक करम से लुकि नाम अर दाम कि भागै पठाळी मा बैठी

बसंत का मौल्यार जन फ्योंली का पिंगल्यार सी रीता पाखौं हर्याळी कि आस देव किरपा का सारा

गंगा सि निर्बिघ्न् बगदी सुपन्यों कि सीढ़ी उकळी जोन थैं लौफ्यांण कि कोशिश चमत्कार कु नमस्कार

खेति बाड़ी हौळ् तांगुळ् सब तुच्छ छन स्याणि श्रेष्ठ च बिराणु हेरि

इ बी हेर्यां

• बीना कण्डारी
• जगदम्बा प्रसाद चमोला