Wp/gbm/उत्तराखण्ड

उत्तरखण्ड (पैलु नौ उत्तरांचल), भारतौ यऽक राज्य च। सन २००० से २००६ तक यू उत्तरांचल का नौ से जण्यै जांदू छौ। पूस २००७ मा स्थानीय लुखौं कि मांग का कारण राज्य कु आधिकारिक नौ बदली के उत्तरखण्ड कर्ये ग्ये। राज्य की सीमा उत्तर मा तिब्बत अर पूर्व मा नेपाल दगडि लगी च। पश्चिम मा हिमाचल प्रदेश अर दक्षिण मा उत्तर प्रदेश येकि सीमा से लग्यां राज्य छन। सन २००० मा अपणा गठन से पैलि यू उत्तर प्रदेश कु यऽक भाग छौ। पारम्परिक हिन्दू पोथी अर पुराणा साहित्य मा ये जगा कु उल्लेख उत्तराखण्ड का रूप मा कर्यू च। संस्कृत मा उत्तराखण्ड कु अर्थ उत्तरी क्षेत्र या भाग होन्दू।