Wp/gaa/Okwaa Yeli Yɛ Ghana

Okwaa yeli yɛ henɔi srɔtoi yɛ Ghana. Kpokpaa fɛɛ eko yɛ okwaa ni yaa nɔ jogbaŋŋ yɛ nɔ. Jeŋ tsakemɔ kɛ su ni yɔɔ kpokpaa ko mli tsɔɔ okwaa henɔ ni yaa nɔ yɛ nakai kpokpaa lɛ mli. Ayeɔ okwaa ko kɛ ha shika namɔ pɛ hewɔ, niyenii hu pɛ namɔ hewɔ kɛ niyenii kɛ shika fɛɛ namɔ hewɔ.

Okwaa Yeli henɔi komɛi

Shikpɔŋ tsakemɔ yɛ nidumɔ mli ji bɔni ashiɔ shikpɔŋ ni adu niyenii ni akpa yɛ nɔ afɔɔ shii be fioo kɛha ni su ni yɔɔ shikpɔŋ lɛ nɔ ana ehewale ekoŋŋ. Okwaafonyo lɛ shiɔ shikpɔŋ lɛ efɔɔ shi efolo ni eya duɔ enibii lɛ yɛ shikpɔŋŋ kokro nɔ kwraa.

Ŋmɔshi nibii adumɔ mli tsakemɔ ji bɔni aduɔ nibii srɔtoi yɛ shikpɔŋ kome nɔ shi yɛ be srɔtoi anɔ yɛ afi kome mli. Yɛ enɛ mli lɛ, okwaafonyo lɛ duɔ niyenii ko (tamɔ amoo), kɛji ekpa amoo lɛ nɔŋŋ pɛ kɛkɛ lɛ, kɛ edu eŋmɔmi. Eŋmɔmi lɛ sɛɛ lɛ, enyɛɔ eduɔ nɔ kokro.

Nibii srɔtoi adumɔ yɛ shikpɔŋ kome nɔ. Enɛ ji bɔni okwaafoi duɔ ŋmɔshi nibii srɔtoi yɛ shikpɔŋ kome too nɔ yɛ be kome mli. Yɛ enɛ mli lɛ, okwaafoi nyɛɔ amɛ duɔ amoo, shitɔ kɛ eŋmɔmi yɛ shikpɔŋ kome nɔ yɛ be kome mli.

Ŋmɔshi nii dumɔ kɛ koloi lɛɛ. Be pii lɛ, okwafoi duɔ ŋmɔshi nibii ni amɛ lɛɔ kooloi hu yɛ shikpɔŋ kome nɔ.

Ŋmɔshi nibii ni aduɔ shikome yɛ afi mli. Niyenii komɛi tamɔ ŋmaa, akoko, atuko, nkatiɛ, atomo kɛ omɔ lɛ aduɔ amɛ shikome pɛ yɛ afi kome mli. Kɛji akpa niyenii nɛɛ, esa akɛ ahu shikpɔŋ lɛ nɔ dani adu nɔ ko ekoŋŋ.

Ŋmɔshi nibii ni akɛ tsofai ni anaa kɛjɛɔ adebɔɔ nibii amli duɔ. Adebɔɔ tsofai komɛi tamɔ too, tsina loo wuɔ fee kɛ ŋmɔshi nibii ni ekpɔtɔ waa kɛ nibii dumɔ.