Wp/fvr/Maikil Jákson

Maikil Josêp Jákson (29 Koróŋ 1958 - 25 Potáŋ 2009) Amiríkaꞌŋ sawâg na sawâgrimdʉŋo na kɨ́sǒŋjɨgéꞌŋ téérédʉŋo na jawaldʉŋo na warsâl na jɨ́tɨ́móladʉŋo kéŋá alá tina nyétꞌíŋ kɨ́sodʉŋo saasuŋá ɨrɨ́dʉŋo na kóosjêldʉŋo kéŋá. Namaŋ in kiímé âl "kɨ́sopalaŋ'íŋ ábakuri "-ii. Na yé kí ayéŋá wa̱yyéŋá oŋŋal bʉllɨŋ tʉskʉŋo-lé dá̱ldɨŋꞌíŋ jaluŋ kéŋá.

Jákson jáás ná ʉ́dóŋá sidábíŋírí pii kí kééŋ bârŋa appáŋaŋ, Jááki na Títo na Jermáin na Márlon asá Jákson ayéŋá 5 kéŋá in ayé-le 1946. In ayé-le 1971 namás jaiŋíŋtáárí dítǐn tuuŋa. Namá tina nyétꞌíŋ julu saasŋáꞌŋ jurab rááŋa, Sirilla (Thriller) in ayé-le 1982, ǎl kona ɨrɨ́kwǎ Ja̱ldɨ́ (Beat it) na Billíe Jiin (Billie Jean) dɨ́eŋ dɨó ka̱ɨ́ŋ. Da̱ldɨŋ nyét-le já̱ŋgʉ́lóŋa míriŋa 110 júlíŋíe. Jákson'íŋ juraba, alá Ergelꞌíŋ Soór (Off the Wall) in ayé-le 1979 na Jɨttɨ (Bad) na Ka̱ta̱rɨ (Dangerous) dɨ́eŋ dɨó ka̱ɨ́ŋ. Na Sime (History): Ka̱nɨ́ na Ettê na Saare na Dombore I (Past, Present, Future and Book I) in ayé-le 1995, dog da̱ldɨŋꞌíŋ julu saasuŋá tulléŋa juraba-lé paago. Na dééŋ já̱ŋgʉ́lǒŋpa̱y'íŋ jurab ka̱rɨkʉŋo Ka̱lɨjaní As Keeba (Invincible) in ayé-le 2001 rááŋa.

Kí kɨ́sǒŋjɨgéꞌŋ ja̱llʉdɨó na naáŋjallʉ sidábíŋíríjáaŋaꞌŋ dorá, yé ása ɨwɨ́ŋɨ́ asá kawlaŋaꞌŋ júnyúŋo-sí joloŋól pii. Jákson-sí dog-si dééŋ tʉllɨŋíŋjáa na nʉ́ŋɨ́ŋjáa'ŋ pɨ́rɨꞌŋ koŋáŋja̱bɨ́tesꞌíŋ ájípardaꞌŋ jeeŋíŋʉ́dóŋá-le ka̱ɨmela. Jákson dá̱ldɨ́ŋ ɨlŋɨ́ ná dééŋ allawanꞌíŋ ba̱gɨꞌŋ jállíŋá-le kéŋá.

Jáckson'íŋ dʉóŋjaiŋꞌíŋ ʉ́dóŋá na jaluŋ'íŋ ja̱ɨŋó na amalꞌíŋ guldáŋjá̱gɨ. In ayé-le 1993 ye-sí kwěittîꞌŋ neerjɨttɨꞌŋ ja̱nɨ írí ka̱bɨ́e, maraŋ ila ja̱nɨ-sí jansáŋtoŋ'íŋ paál jásíŋí. Jákson 25 Potáŋ 2009 kí poropopolꞌíŋ dawáŋsʉŋɨŋ wai, lia asá kilmákeera kéŋá. Kí 7 Kuyweél namá Jákson'íŋ ja̱ɨmíŋsǔbuꞌŋ jányíŋíŋájí kéŋá. In tʉske-lé kéŋá ná kwa bíriŋa 2.5-3 ka̱gɨle. In ʉʉ namá júndí ná tá̱á̱rɨ́ alá saasuŋá ka̱gɨle eŋa ná míŋ ná kee.