Wp/fvr/Diwtoŋ'íŋ

Diwtoŋ'íŋ yé toŋꞌíŋ bǎim ka̠nsʉdʉŋo-ii. Yé diwjutáŋ-le éla. Dá̱yjutáŋ-sí á̱rá̱l ka̱rɨ́a na dá̱y ture-sí  bá dá̱yture ka̱rɨ́a, pârne-sí diw ka̱rɨ́a.

Namá kwa dééŋ nɨ́nó kaame, na kɨ́eŋ bora ka̠bɨe, na kɨ́eŋ kʉnyʉ́rʉ na karmas táárí kawe. Boráŋdugu kí diw'íŋ bora dog taga ɨ́ndɨ́líŋ na baímáŋjetéréŋa kerŋa dog ɨ́ndélíŋá. Ra̱ɨ́tákwǎ dǐi léwá-sí osoma dǐi-lés kɨwlɨ́ŋtɨ́a áláŋ ammíal alá ra̱ɨ́tákwǎ kerŋa á kǒeliba, ila ǎl dǎyjʉ́rʉs ka̱rɨ́a. Asiŋa kerŋaꞌŋ, léwá daíŋá na osoma kerŋa-sí á jʉ́ndɨ́aba áláŋ suŋá tʉ́ɨ́tɨ́a.

Díwtoŋíŋ kǎrupijjes kee, na aásu-lés pʉro kurráŋa kee, na da̠wɨ bʉtte ǎl írí koŋkóté eŋas kee, na kolpa ǎl ta̠bʉ́ŋ nabbála tʉ́ɨ́tɨ́as kee. Na  dééŋ nyɨ́lɨ́w wǎ̱rɨg-ii kí kʉnyʉ́rʉꞌŋ ka̱bbʉ̂tiŋ ʉrgʉ́m diliꞌŋ soga-lé.

Diwtoŋíŋ dákkin sa̱ntɨmítira 70-120 pééŋél. Na kí dɨrrɨŋ kɨlogiráma 45-54 péégéli.

Diwtoŋíŋꞌíŋ na̠mɨ́e suŋŋâꞌŋ ere day na nyúlúmá na torgósá na dɨɨŋjamdʉŋoŋa gé na dog osoma kerŋaꞌŋ órréŋá ge. Baimakwǎ dǐi léwá-sís táárí kawe áláŋ kɨ́eŋ dʉoŋa-lé bʉ́ʉs na daíŋá hǒoŋa-sí kíeŋa teyyá kawe. Léwa negêb-lé a̱wɨ lóó ɨt ǎl dée-lé tárrá-ii ásáŋ osoma jʉmmóŋ namá ilâíŋ-ii ná ja̱lʉ kurúŋáꞌŋ írí jéépeli áláŋ na̠mɨ́e pǐal.

Léwátoŋíŋ riá ná kullé ge. Yeeŋ buda na íríjaáp-sí kóeli. Yeeŋ lóótogjôŋꞌíŋ karába gé ná kóeli áláŋ kí daara ka̱ɨŋ.