Wp/fvr/Alɨ Dɨnár

In A̱lɨ Dɨnâr'íŋ saar-ii mɨroddʉŋo kʉrɨŋíŋ kʉtɨ Poora'ŋ ba̱rʉ́'ŋ toŋkuríŋ. Na yee-sí saa ila ka̱wŋe Anglo-Egyptîan'íŋ deer'ŋ Awla-lé Poora'ŋ ba̱rʉ́ dɨó kí ayé 1916. Na dééŋ saar namá jawarlékee Brítish'íŋ Jǎ̱llʉ́wâŋáŋtóŋ.

Alɨ Dɨnár Zakarɨ́a Mohâ̱mmed El-Podul, yé namá Darpoor'ŋ toŋkuri'ŋ ábakuri kééŋa míŋ kí ayé (1856 namaŋ Taáŋ 6/1916) ǎ̱y ná séttin koo ná in ba̱rʉ'ŋ aará karáŋ, kééŋ ʉʉŋa kaas miin, Daar namás ba̱rʉ miin, na poor namás dʉldɨ'ŋ-kwěŋ konas miin (Poor'ŋ-ba̱rʉ) Daarpoor'ŋ parsǎ̱ye dééŋ da̱ldɨŋbeeramʉrdel (latitude) namá nii péégél 10'N namaŋ 16'N, na dog dééŋ da̱ldɨŋbeerwa̱rɨŋ (longitude) namá dog nii péégél 22'E namaŋ 27,30'E. Alɨ Dinâr-sí namá elle shawây-lé ka̱rɨŋɨ Mallám'íŋ kǐli Nyǎla'ŋ rɨ́ɨ-sǎba, Alɨ Dɨnar yé namá Daarpoor'íŋ toŋkuri'ŋ ábakuri kééŋá, na yé Kéera'ŋ kuriŋáŋdɨɨrɨ́e-lé kééŋá namá dééŋ tin in ayéŋ dɨ́o-ii 1898, ǎlbás Mahdɨ́e'ŋ nyookkêŋjeeŋ jáwla, yé namás ja̱iŋa ná Daarpoor píŋínába namá ba̱rʉ'ŋ dítǐnjaari-sí tagatɨo. 

Alɨ Dɨnar namá kééŋ wʉ́oŋáŋ mɨroddʉoŋ-ii kʉrɨŋɨ́ŋ kʉtɨ toŋkuri-lé. A̱nglo-Egyptɨ̂an ǎl yeeŋ-sí waar áddeŋ káwe kí ayé1916 áláŋ Alɨ Dɨnar-sí kʉrro dǔu kawíyal, yé namá eero namaŋ ka̱wŋe ba̱rʉ́ dɨó. Dééŋ wǎy namá ilâíŋ kééŋá ǎl-si yé Ottoman'íŋ kʉrɨŋáŋ kʉrɨŋ-sís nyiítîŋi, Da̱ldɨŋaŋ Deer Dííŋkʉŋo-lé ǎl yé-ii nás kí Brɨtɨsh'íŋ kʉrɨŋaŋ jáwla áláŋ jawar-lé kee A̱nglo-Egyptɨ̂an'íŋ waar kwǎ-le namá yee-sí ka̱wŋe Daarpoor dɨ́o deer'íŋ túle, na dééŋ toŋkuri-sí namás lóóŋá kerŋaŋ-lé kányíes indílaŋ.