Wp/frs/Oostfräisk litteróótüer
As Oostfräisk litteróótüer biitäikent me däi litteróótüer däi up Oostfräisk Plat ferfat't word't.
Litteróótürhistoorje
[edit | edit source]Dat undstóón fan oostfräisk litteróótüer biigünt up d' anfang fan dat 19. äiw. As êerst bauk up Oostfräisk Plat kan me däi Sanghfona fan 1828, däi döör Johann Leopold Lange uutgeeven wur, uutmóóken. In däi loop fan dat 19. äiw undwikkelt sük mit meerder aauters 'n lütje kuntiinuuwitäit. Biisünners prooduktiîf aauters in dat 19. äiw wassent f'rallen Fooke Hoissen Müller un Enno Hektor. Däi aauter Karl Tannen skrift dat äien of anner up Oostfräisk, man faalt lóóter f'rallen döör siin publikóósjes in dat Leeğdüütsk up. Däi lütje kuntiinuuwitäit uut dat 19. äiw nimt in dat 20. äiw raajn fort up, wat me ook an däi grôot antóól an aauters un publikóósjes fastmóóken kan. Uutsteekend aauters uut dat 20. äiw bünt Fritz Gerhard Lottmann of Tjabe Wiesenhann, man f'rallen Wilhelmine Siefkes.