Wp/frs/Lauğ

'N lauğ is 'n slōten minskelk sēteln, dat fan mērder hūsen bīstājt, man lütjer is as 'n stad. 'T is mäisttīds däi wōnstē fan 'n poer hunnert bit dūsend lüü.

Däi mäiest laugen gift 't in bursk gewesten un kuntrājen. In disser laugen word't fóóktīds 'n büelt burkert un burkeräj is düs mäisttīds ōk 'n wiğterğ upbrengst föör 't bīfolken of het dat tau minst ōrsprungelk west.

Frauer hebbent laugen as 'n mäient fan buren 'n pōlitisk äinerğkaid föörmt, man nóó 't näej indäilen fan d' mäinten in d' 1970er bit 1990er joer sünt mennerğ laugen näit mēr in 't gehäil sülststóónderğ, man pārten fan mäinten of diecht bī liegend stēden. Do gift 't fandóóeğ fóóken ōk laugen, däi as 'n kumpromis, döör 'n pârt fan 'n mäintbund tau wēsen, 'n däil fan höör sülststóónderğkaid woren kunnent.