Wp/frs/Füüsik

Füüsik is däi natürwäitenskup, däi däi grundlóógen fan d' natüer unnersöyken daajt. Säi beskrift däi almäien liiktäikens fan mateerie un stróólen, as kracht, eevenwicht un beweegen, däi taustâan fan mateerie, wâarmt, lücht, luuden, mağneetismus un elektrik, soo lâang 't d'r bii kiin skeemsk ferannerns gift. Dit bedüd't, dat sük däi struktüer fan däi stoffen, däi unnersöcht wordent, näit annert.

Net as däi mäiest anner natürwäitenskuppen word't in d' füüsik äin wesselwaarken tüsken teorii un eksperimenten (däi wäitenskupelk menäär) anwend't. D'r bii läident teoriien nóó eksperimenten, eksperimenten däinent as insperóósjoon of bewiis föör teoriien, un teoriien köönent echter weer döör eksperimenten test't worden.

Ferklorens in 't filosoofsk bedüüden, woosoo däi natüer sük soo ferhollen daajt, kan däi füüsik näit geeven. Säi probäärt eer d'r achter tau koomen, woo däi natüer sük ferhollen daajt. Bii föörbild kan säi näit ferkloren, woosoo massen nanner antrekkent, man säi kan modellen finnen, däi beskriivent, woo dit geböört.