Wp/frs/Eerdmantje
Däi Eerdmantjes bünt gestalten uut däi oostfräisk müütooloogii.
Säeğ
[edit | edit source]Däi säeğ nóó leevdent däi Eerdmantjes fan fööer fiif äiwen in d' Plüütenbaarğ un biiskütsdent dor däi skat fan Köönenk Rebber. Säi hulpent däi minsken geern, un wen äien hüelp bruuk mus däi nóó d' Plüütenbaarğ góón un raupen: "Eerdmantje help mii! Kum nóó miin huus ik beed dii!". Däi Eerdmantjes kwamment dan oover nacht un mookent minsk of fäj weer sund. Insent sal dat 'n gitserğ buer, Klóós Kniiptâang, geeven hebben, däi an däi döör däi Dullertköönenk siin söön an däi inf'rmóósjoon koomen was, woo häi bii Köönenk Rebber siin skat koomen sul. Häi misbruukde däi gauderğkaid fan däi Eerdmantjes un reep däi köönenk mit 'n trik bii sük un broch hum um. Mit däi briel un däi slöödel fan däi köönenk wul häi dan däi skat steelen. Däi Eerdmantjes kreegent fan däi dood t' wäiten un ferleetent oover dat land indeem säi mit Noordmer Fêer oover d' Äiems furent un oover 't Raiderland fandöör gungent. Wiilst däi Plüütenbaarğ nuu leeğ was, fersöch Klóós Kniiptâang däi skat t' steelen. As häi siin wóógen mit gold biilóóden haar un döör d' hammerk weeruem fur, murk häi dat däi skat ferflökt was, um dat hum 'n Wóóterkeerl uut 'n slood t' möyet sprung. Siin pêer ferfeerdent sük doo soo, dat säi in d' Äiems leepent un Klóós d'r bii t'dôod kwam.Disser Säeğ is 1921 döör Albrecht Janssen uut d' folksmund upskreeven worden.[1]