Wp/efi/Ishaku Abbo

Ishaku Elisha Abbo akamana ke Mubi ke usuk usuk Nigeria. Enye onyụn̄ edi owo politiks. Edi senator emi esede n̄kpọ aban̄a usụk usụk Adamawa, ke Adamawa State ke ọyọhọ National Assembly 9. N̄ka politiks esie ekere All Progressives Congress (APC).

Utom Politiks

Ke February 23, 2019, ẹma ẹmek Abbo Senator oro esede n̄kpọ aban̄a usụk usụk Adamawa State. Vote emi enye akadade akan nsan̄a esie, Binta Masi Garba, ekedi 79,337.

Mfịna okodude

Ke May 2019, Abbo ama aka mfịna ye eyenawan kiet ke itie un̄yam mkpọmbre nditọwọn̄ ke Abuja. Mbụk ọdọhọ ke ekedi Abbo asan̄a ye iban ita odụk itie unyam mkpọbre nditọwọn̄ oro ndidep n̄kpọ, enyene itie urua oro akama enye ọdọn̄ ndọk. Ke ẹma ẹkedifiak ẹbre vidio oro ẹse, ẹma ẹkụt nte Abbo asiakde enye itieurua oro ufia, idịghe inikiet idịghe ikaba. Etetịn̄ mi, mbon ukpeme Abbo ke etịme ndimụm enyene itieurua oro n̄ka bodisi. Ke enyin ama ekeditara Abbo, enye ama ọdọhọ ke se inam imọ ikasiak enye ufia edi ke ntụkube oro mmọ ekesinde ke itie unyam urua oro ama anam idem edibede kiet ke otu iban ita imọ ikasan̄ade idi. Onyụn̄ ọdọhọ ke enyene itie urua oro esin n̄kpọ ke ntụkube oro man afina owo.

Ke September 2020, Akwa esopikpe oro ẹkotde Federal Capital Territory ke Maitama ẹma ẹbiat ikpe oro, ẹnyụn̄ ẹdọhọ ke bodisi inyeneke isọn̄ ke ikpe oro. Ke September 2020, ẹma edimen ikpe oro ẹka esopikpe en̄wen ke Zuba, emi odude ke Abuja. Do ke ẹkefiak ẹda vidio oro ẹnen̄ede ẹse nte n̄kpọ oro akadahade. Ke akpatre, ẹma ẹdikụt ke enye edue, ekem ẹma ẹbiere ẹte ke ana enye ekpe isop million niara aba ye duop ọnọ Osimibibra Warmate, emi ekedide enyene itie urua oro.

Mme enọ

Abbo ama ọbọ enọ oro ẹkotde, 'Beacon of Hope' ke Adamawa State ke 2019, ini ẹkenamde mbụba oro ẹkotde Celebrities & Achievers Awards.