Wp/dtp/Vatikan

Pogun Vatikan id Peta sompomogunan

Negara Bandar Vatikan (boros Itali: Città del Vaticano) bopo iso pogun id nosorilian do bandar raya Rom id Itali. Vatikan nogi diti nga oilaan sabaagi pogun di kiwaa kalaaban tana di okoro iri no tu soginumu 44 ikar om kiwaa mogigion soginumu 1000 tulun. Pogun Vatikan nopo diti nga nolodi antakan 1929 maya Pibatosan Latera mantad di momorinta Itali om Taktha Osundu, gana kuasa kumaa mazhab do Roman Katolik om Timur mantad poingongkop do pogun id nolodi mantad po di kotimpuunon do ugama Kristian. Pogun Vatikan nogi nga oilaan sabaagi longkod kotoinaan Gereja Roman Katolik sompomogunan.

Kopomorintaan

Luguan Pomorinta

Paus nopo nga luguan kumaa Pogun Vatikan maya do ex officio id hinombo kiwaa tonggungan sabaagi do biskop luguan keuskupan Rom. Kopomorotian do istilah "Takhta tosundu (Takhta Suci)" id kiwaa pionitan kumaa tongungan disio nopo nga amu sumuku kumaa pogun do Vatikan nga kumaa do kopomorintaan do kepaderian om kerohanian Paus id minaan poindalano' maya Kuria Rom. Ngaran Kapamalahawan nopo disio nga miboyo kumaa tonggungan disio id Pogun Vatikan iri no tu Sovrano dello Stato della Città del Vaticano ("Luguan Pogun, Pogun Vatikan").

Piromutan mantad Soliwan

Pogun nopo diti nga nakaanu iktiraf do poingmpou ko'oturan-ko'oturan antarabangsa, nga Takhta tosundu nopo momuru do ahal kokomoi piromutan diplomatik tu pogun nopo diti nga ingaa khidmat diplomatik sondii.

Pogun Vatikan nopo nga iso mantad ko' ginumuan pogun id aiso o' kodutaan sabab no do infaa haro o' liwang. Kodutaan doung Takhta tosundu nopo diti nga hilod no o' kota do Rom.