Wp/dtp/Tenaga nuklear

From Wikimedia Incubator
< Wp‎ | dtp
Wp > dtp > Tenaga nuklear
Loji Kuasa Nuklear Ikata nopo nga' reaktor nuklear ii winonsoi id somok do laut di kikogunoon montok poposogit sekunder.
Tolu kapal rahat soudor Amerika Syarikat diti momoguno do tenaga nuklear.

Tenaga nuklear nopo nga' tenaga di pinalabus mantad tindakbalas nuklear atamangan montok poposoliwan tenaga lotirik. Loji kuasa nuklear momonsoi lotirik momoguno do reaktor nuklear montok papalasu do waig gisom kosiliu do lasu. Lasu di kaasil nopo nga' popoturug do turbin montok papaasil do tenaga lotirik.

Tenaga nuklear nopo diti nga' norubaan do ahli fizik Perancis di kingaran do i henri Becquere ontok di toun 1896, maamaso nakaanu isio do kopingan filem fotografi ii poingopi id kinoyonon di otuong poinsomok do sampel uranium nokosiliu do oitom, miagal di kowonsoi soira kopingan dii oontok do sinar X, ii wagu noilaan ontok di toun 1895.[1]

Kobibas o tenaga nuklear maya tolu proses, koromukan radioaktif, pembelahan nuklear om pelakuran nuklear. Kotolu-tolu proses diti owonsoi miampai sondii.[2], nga' pamalapakan om pelakuran nuklear no ii milo tamangan montok papaasil tenaga lotirik di efisen. Koromukan radioaktif milo gunoon montok papaasil tenaga lotirik di okuri momoguno do penjana termoelektrik radioisotop, nga' amu milo tamangan o ginumu tenaga di kaasil.

Kogunoon[edit | edit source]

2586 terawatt-jam (TWh) tenaga lotirik kaasil do loji kuasa nuklear sivil ontok di toun 2019, kopiagal do 10% koppoosilan tenaga lotirik sompomogunan om sabaagi do toud tenaga osiriba karbon di koduo tagayo kalapas do tenaga hidroelektrik.[3][4] Kopoosilan tenaga lotirik mantad toud nuklear nopo nga' nokoinsiriba mantad 16.5% di toun 1997 sabap do garis tonudon montok kotingoligan nuklear nokosiliu lobi ogirot, iti papasabap do nokoingkawas kos montok momoguno tenaga nuklear. [5]

Antakan di Gomot 2022, soginumu 439 reaktor pamalapakan nuklear awam id pomogunan miampai ginumu kapasiti lotirik soginumu 392 gigawatt (GW). 56 reaktor miampai ginumu kapasiti 62 GW nopo nga' wonsoyon nogi, om 96 reaktor miampai ginumu kapasiti 92 GW napalan montok powonsoyon.[6] Amerika Syarikat kisanganu do ginumu reaktor di bobos togumu, miampai kopoosilan sontoun nopo nga' soginumu 800 Twh, poposiliu do papaasil tenaga nuklear bobos tagayo id sompogunan.[7] Hali pia miagal dii, tenaga nuklear diti mewakili 20% mantad tenaga lotirik di gunoon id pogun dii, om Perancis nopo nga' papaasil 71% mantad tenaga dau maya momoguno do reaktor nuklear.[8] Id Kesatuan Eropah, tenaga nuklear manahak 26% mantad tenaga lotirik ii gunoon setakat di toun 2018. [9] Impohon tenaga nuklear nopo nga' mogisuusuai montok monikid pogun id Kesatuan Eropah, om soboogian pogun miagal do Austria, Estonia, om Ireland, aiso stesen tenaga nuklear aktif. Kogumuan reaktor id suang pamansayan nopo nga' reaktor generasi III id Asia.[10]

Suai ko' iri, haro nogi kuang lobi 40 kapal rahat di momoguno pongunsub marin nuklear, ii kikuasa do kuang lobi 180 reaktor, kohompit no kapal rahat soudor om kapal awam miagal do kapal pemecah air batu.[11][12]

Ponoriukan sompogunan potilombus do powonsoyon montok monginsonong aspek kotingoligan loji, pomogunoon pelakuran nukleus sabaagi toud tenaga id timpu dumontol om mogihum kogunoon pomoruhang montok haba lebihan ii kaasil do reaktor nuklear montok papaasil hidrogen (montok monokodung ekonomi hidrogen), penyulingan waig laut om gunoon id sistem papalasu koiyonon.[13]

Sukuon[edit | edit source]

  1. ↑ Henri Becquerel, The Nobel Prize in Physics 1903
  2. ↑ Meshik, Alex P. "The Workings of an Ancient Nuclear Reactor". Scientific American. Linoyog ontok 2023-09-09.
  3. ↑ "Trend in Electricity Supplied". International Atomic Energy Agency. Linoyog ontok 2021-01-09.
  4. ↑ "Steep decline in nuclear power would threaten energy security and climate goals". International Energy Agency. 2019-05-28. Linoyog ontok 2019-07-08.
  5. ↑ Butler, Nick (3 September 2018). "The challenge for nuclear is to recover its competitive edge". Financial Times. Archived from the original on 2022-12-10. Linoyog ontok 9 September 2018.
  6. ↑ "World Nuclear Power Reactors & Uranium Requirements". World Nuclear Association. Linoyog ontok 2022-04-18.
  7. ↑ "What's the Lifespan for a Nuclear Reactor? Much Longer Than You Might Think". Energy.gov. Linoyog ontok 2020-06-09.
  8. ↑ "Nuclear Share of Electricity Generation in 2019". Power Reactor Information System. International Atomic Energy Agency. Linoyog ontok 2021-01-09.
  9. ↑ EU energy in figures. European Commission. 2020. p. 94. ISBN 978-92-76-19443-9. Linoyog ontok 2021-01-09.
  10. ↑ "Under Construction Reactors". International Atomic Energy Agency. Linoyog ontok 2019-12-15.
  11. ↑ Magdi Ragheb. "Naval Nuclear Propulsion" (PDF). Archived from the original (PDF) on 2015-02-26. Linoyog ontok 2015-06-04. As of 2001, about 235 naval reactors had been built
  12. ↑ "Nuclear Icebreaker Lenin". Bellona. 2003-06-20. Archived from the original on October 15, 2007. Linoyog ontok 2007-11-01.
  13. ↑ Non-electric Applications of Nuclear Power: Seawater Desalination, Hydrogen Production and other Industrial Applications. International Atomic Energy Agency. 2007. ISBN 978-92-0-108808-6. Linoyog ontok 21 August 2018.
Template:Wp/dtp/Teknologi nuklear

Kategori:Tenaga Kategori:Nuklear Kategori:Teknologi nuklear Kategori:Penghasilan tenaga Kategori:Tenaga mampan Kategori:Sumber tenaga Kategori:Kuasa nuklear Kategori:Infrastruktur tenaga

Retrieved from "https://incubator.wikimedia.org/w/index.php?title=Wp/dtp/Tenaga_nuklear&oldid=6212473"