Wp/dtp/Tawau

Tawau toi ko' ngaran kopio, Majlis Perbandaran Tawau nopo nga iso watas id Boogian Tawau sondii. Nokosiliu nogi sabaagi iso kakadayan di toponsol id pogun Sabah om id bobos kotolu tagayo sumuhut do kakadayan Kota Kinabalu om Sandakan. Wawayaan tapangkal di popiromut Tawau om Kota Kinabalu nopo nga milo nogi maya tindal ii kisinodu do 500 KM. Milo nogi momoguno do Feri mantad polobuhan om kapal tulud.

Sajara[edit | edit source]

Kinoyonon watas Tawau id pata Sabah — Watas Tawau

Tawau nopo nga boogian mantad sosolodon do tulun Inggeris ii nopo nga Syarikat Borneo Utara British (SBUB). Tumanud do rikod The North Borneo Annual Volume (1955-1965), sistom kotoinaan id Tawau nokoimpuun id toun 1989.

Kogingohon Watas Tawau[edit | edit source]

Nakaanu o Tawau kapamalahawan do 'Bumi Peladang' toi ko' pogun momumutanom tu sobogiaan mantad kinoyonon dii nokosiliu sabaagi kinoyonon do momumutanom montok pomutanaman piasau, gata, om punti lanut (abaka). Babaino nopo, pomutanaman mogigion Tawau loobi kumaa sawit om haro nogi pomutanaman koko. Soboogian mantad pomutanaman diti nopo nga naanu do Syarikat Sime Darby Corporation, Sabah Softwood Sdn. Bhd. om Borneo Samudera (Sawit) Sdn. Bhd.

Suai mantad ko ii, lohowon nogi Tawau sabaagi 'syurga mondidikot' tu ogumu tulu mantad Filipina om Indonesia di poingkaraja id kinoyonon dii momoguno do pas kumaraja montok mogihum koonuonuan.