Wp/dtp/Siti Nurhaliza
Dato' Sri Siti Nurhaliza Tarudin SSAP, di nosusu ontok 11 Milatok 1979 nopo nga songulun mosisinding, miminsingkono, monuat sinding, moboros televisyen, om songulun puruan pongindopuan Malaysia. Nokotimpuun pakalajaan disido id Industri Muzik Malaysia maso umul 16 toun, soira nakalantoi id piboi'an modsinding Bintang HMI di pinaanjul Radio Televisyen Malaysia (RTM) ontok 1 Ngiop 1995. Kalapas naawi program dii, nakaanu isido apat pangalapan kontrak rakaman mantad Syarikat Rakaman Antarabangsa tintod do naalap di Suria Record. Single kumoiso dau ii kiuhu do "Jerat Percintaan" nakalantoi id Anugerah Juara Lagu Ke-11 om duo anugerah suai montok kategori Koposolimbahan Bobos Tosonong om SInding Balada Bobos Tosonong. Album koiso disido nopo nga' nakadagang soginumu 800, 000 unit mantad po di kotimpuunon kinaampayatan disido id industri muzik Malaysia gisom toun 2005 id pogun Malaysia no. Kobontugan disido id "PERSADA INUS" nakaanu pinopoingkawas ngaran disido id Industri Muzik Malaysia gisom nakaanu mogikaakawo pamalahawan miagal do Ratu Pop Malaysia, Diva Asia om Ratu Pop Asia mantad monokodung disido id suang om nogi labus pogun.
Solinaid do buruon disido, nakalantoi isido id mogikaakawo anugerah mantad suang om labus pogun. Isido nopo nga' rinoitan do Voice of Asia kalapas nakalantoi Grand Pix Champion ii pinaajul do Voice od Asia id Almaty, Kazakhstan ontok toun 2002. piipiro toun mantad dii, nakalantoi nogi isido id piipiro Piboian Monondig Wagu Sompomogunan miagal do Anugerah Emas Pertandingan Penyanyi Baru Asia id Shanghai, China ontok toun 1998. Ontok toun dii nogi, nakalantoi nogi isido id Anugerah Persembahan Vokal Terbaik Wanita om nakalantoi sabaagi pamanang kategori Top 40 Kategori Sinding International id South Pacific International Song and Singing Competition ii pinaharo id Gold Coast, Queensland, Australia.
Gisom dinondo,nakalantaoi isido lobi ko 300 anugerah om pamantangan mantad suang om labus pogun. Nokoimbulai isido sabaagi songulun mononondig om tanak ii bobos nakalantoi id sajara industri hiburan Malaysia. anugerah-anugerah di naanu dau nopo nga' poinghangkum no 43 Anugerah Industri Muzik, 25 Anugerah Bintang Popular, 28 Anugerah Planet Muzik, 20 Anugerah Juara Lagu, 4 Anugerah MTV Asia, 3 Anugerah Muzik Dunia, 2 Anugerah Musik Indonesia, 2 Anugerah Muzik Singapura on mongingit 2 rekod id suang Malaysia Book of Records. Solinaid kinaapayan disido id industri muzik Malaysia, nakapamarakan om minonondig isido do sinding mantad mogikaakawo boros miagal do Boros Malayu, Inggeris, Indonesia, Jawa, Mandarin, Hindi, Arab om Jepun.
Kitataba'an 16 album studio, 2 album duet, 8 album konsert, 11 album kompilasi om 250 sinding miampai single, asil album di pinadagang nopo nga' oruhai no korikot 5 juta unit. Isido nopo nga' songulun artis di bobos kingaran id Kepulauan Melayu, Rantau Nusantara om Asia Tenggara soira nakalantoi soginumu in-10 mogisusuhut anugerah montok kategori Artis Serantau Paling Popular gisom nakaala do artis suai mantad Malaysia, Indonesia om Singapura id Anugerah Planet Muzik ii nokotimpuun ontok toun 2001 gisom 2011. Dinondo nopo, isido nopo nga' poinsanarai sabaagi artis bobos kingaran, bobos togumu nakalantoi anugerah om mono'odo single. Isido nopo nga' songulun no artis mantad Malaysia ii bobos alaku o album. Ontok toun 2000, kapadagangan album disido manahak 10 piatus montok jumlah padagangan album id Malaysia. Gisom dinondo, isido nopo nga' nakapadagang lobi 4.9 riong do album.
Ontok toun 1998, kalapas 2 toun nokosuang isido id industri muzik Malaysia, nopili isido mantad piipiro artis Malaysia montok poposolimbou kopokitanan ontok kopokitanan ponompon Sukan Komanwel 1998 id toguang di Ratu Elizabeth II om konsort disido ii Putera Philip, Duke Edinburgh om puru delegasi om pagawai mantad 70 pogun ii poinsuang do pogun-pogun Komanwel. Ontok toun 2005, isido nopo nga' nokosiliu artis kumoiso mantad Asia Tenggara om kotolu mantad Asia montok papaharo konsert solo id Royal ALbert Hall, London om tinanud do tinimunga Orkestra Simfoni London. Isido nogi nga' poinsanarai id kinoyonon koduo sabaagi Asia's Best Musical Artiste oleh MTV Asia om Biggest Asian Artiste oleh Channel V id toun di miagal. Isio nopo nga' poinsanarai isido id kinoyonon koduo sabaagi Asia's Best Musical Artiste oleh MTV Asia dan Biggest Asian Artiste oleh Channel V pada tahun yang sama. Ontok toun 2008, isido nopo nga' roitan sabaagi Asia Idol mantad Asia News Network (ANN). Isido nogi nga' nakaanu pomoroitan Asia Music Legend mantad Top 10 of Asia ontok di toun 2014. 10 toun sobolum dii (ontok di 2004), Golden Melody Awards minanahak pomoroitan kumaa disido sabaagi Asia Number 1 Singer. kinalantayon disido id rantau Asia minoboyo disido monorimo pomoroitan Suara Asia om Celine Dion Asia mantad do monokodung om tangaabaal tuunion mantad suang om labus pogun.
Au nogi olihuan soira isido nopo nga' poinsanarai sabaagi songulun Muslim ii kingaran id pomogunan maya do Pusat Pengajian Strategi Islam Diraja montok toun 2016, 2017, 2018, 2019, 2020, 2021, 2022. Sabaagi puru papadagang, isido nopo nga' haro aset-aset padagagan om poinghangkum no Siti Nurhaliza Production (media massa), Simpysiti (kosmetik), Creacion (fesyen), Beausiti (minuman kesihatan) om Afiya (tudung).
Koposion[edit | edit source]
Siti nopo nga' nosusu antakan tadau Tadtaru, 11 Milatok 1979 (12 Safar 1399 Hijrah) id Berek Pulis Kampung Awah, Temerloh, Pahang sabaagi tanak kaapat mantad turu mogiompinai, i otutunan sabaagi Saiful Bahri, Siti Norsaida om Siti Nursairah ii kumalaja nogi sabaagi susuminding, Saiful Suhairil (minidu pogun), Saifullizan, Mohd Hafiz om Mohd Ali. Taki disido, Bachik Abdul nopo nga' songulun pamain biola ii kingaran, om tama disido nopo nga' songulun susuminding irama etnik ii otutunan. Stit nopo nga' susuminding di apangkal id tinimungan 'Family Group' ii pinoimpohon do taman disido, Abdul Rahim Bachik. Pinsan disido, Rafidah Ibrahim nopo nga' aktif id gana tuunion om minsingkono.
Ontok di tokoro po, isido nopo nga' ponghompit id mogikaakawo ababayan sikul om kokurikulum, poinsuang no sipoot om pidato. Isido nakaanu pondidikan impohon id Sekolah Tabika Perkep, Balai Polis Kampung Awah, Temerloh. Mantad hilo, isido nopo nga' tumimpuun no popokito toila'an id suminding maamaso kiumul onom toun soira pinoposolimbou sinding koubasanan "Sirih Pinang" id ababayan koompokon toun sikul. Nakaanu isido do pondidikan potilombus id Sikul Tosiriba Kabansaan Clifford, potilombus sinumikul taang takawas id Sikul Takawas Kabansaan Clifford Kuala Lipis, Pahang.
Ginumayo id suang paganakan di koubasan no, id umul 9 toun, isido nopo nga' tumungag ontok jaam 4 kosuabon montok monguhup tama disido momonsoi om popojual mogikaakawo kui winonsoi sondii id kinoyonon kosombolan disido, hinonggo isido nopo ti nga' mogowit lumintuhun do tolu tukad, mija daamot kumaa ralan montok mongukab iso pataranan tokoro. Ka disido, toinsanan koinggoritan di okon no ko' monguhup disido sumiliu lobi okikip nga' sumiliu lobi kikotumbayaan soira mibooboros miampai tongoulun. Ka nogi disido, toinsanan koinganan dii nakaanu monguhup pinopoingkawas kabaalan vokal disido soira momogiak montok mamagayat do momoomoli. Suai ko mampayat id mogikaakawo piboian monondig tampatan, Siti nogi nga' koumbal tumanud do manangaman disido, Abdul Rahim Bachik montok koposolimbahan mangalap miagal do majlis pisasawaan om majlis moginakan totuong ii kaanu monguhup disido manahak popointalang koposolimbahan miampai pointilombus.
Ontok di umul 13 toun, Siti tinumanud manangaman disido id koposolimbahan mangalap miagal do majlis pisasawaan om pangalaman lamai montok popointalang disido sabaag monondig miampai pointilombus, gisom nakaanu kopomoromitan tosonond mantad tongoulun. Siti nogi nga' koumbal do nakalantoi id piboian monondig do kumoiso ontok kiumul 12 toun, soira minonondig sinding patriotik "Bahtera Merdeka" id iso Karnival Kuala Lipis anatakan "Nyanyian Bulan Kemerdekaan". Siti nogi nga' oporogot id sipoot, lobi-lobi no buul jaring maamaso id sikul; iti nopo nga' atalang id Fiesta Media idola 2006 id Kuantan, hinonggo isido noppo nga' mongingit do obor miampai palakun, Fasha Sandha. Ontok 1994, maamaso kiumul 15 toun, isido nopo nga' nokoimbulai id Minda Pelajar, sisipan pondidikan akhbar Berita Harian kalapas koposolimbahan tinimungan disido id sikul noilaan di Tamrin Anuar, wartawan Berita Harian antakan dii. Ontok toun 2014, isido nokosorou kawagu wawancara diti sabaagi iso kopoilaan kumoiso disido id gana hiburan. Boros di Siti: " Borita id suang Minda Pelajar dii nopo nga' miagal do ponuduk doho sumuang id gana inus hali pia haro agab ku sumiliu do pulis." Isido nogi nga' koubal mogoit tonggungan tokoro id sio drama TV miampa di Zizie Ezette maamaso disido Taang 4.
Pakalajaan Tuunion[edit | edit source]
1995 - 1996: Kalantaion komersiaal pogulu om "Jerat Percintaan"
Koinsanai paganakan Siti Nurhaliza nopo nga' poinsuang no id gana tuunion, insaru poposolimbou id mogikaakawo karamayan id kinoyonon diolo miagal do karamayan pisasawaaan. Id umul 12 toun, tumimpuun no minsingilo i Siti monondig sinding koubasanan maya tina dau om mogoit genre tuunion di id acara om karamayan. Sobolum po do tiniis montok Bintang HMI, koumbal i Siti do tumanud piboian Asia Bagus ontok di toun 1993, maamaso kiumul 14 toun nga' au nokoongoi id taang potilombus.
Duo toun kalapas dii, ontok toun 1995, sawo tabang dau, Rozi Abdul Razak minonginsasamod tabang di Siti, Ayie montok mogoit di Siti ii antakan dii nopo nga' kiumul 16 toun moi id Kuala Lumpur om rumikot id ujibakat Bintang HMI pinaajul do RTM id Auditorium P. Ramlee, Angkasapuri, hinonggo tinondig disido sinding "Kaulah Segalanya" mantad di Ruth Sahanaya, hali pia nokorikot id timpu kotohuri no. Maamaso pintanga kotohuri Bintang HMI, tinondig di Siti sinding "Kemelut di Muara Kasih" mantad di Ziana Zain. Maamaso pialaan, nokoruba isido di Adnan Abu Hassan, songulun momonsoi sinding di otutunan id Malaysia. Adnan manapanai om monguhup di Siti monginsonong koposolimbahan vokal, gisom do nakalantoi ii Siti id piboian dii miampai sinding "Camar Yang Pulang" mantad di Aishah. Maamaso id toun-toun osopung disido sabaagi songulun artis rakaman, koumbal isido monoroinsan mion id walai di Adnan om sumakai yolo motorsikal moi do kaatod isido id kinoyonon do poposolimboou. Kalapas nonuan do pilian mantad apat syarikat sompogunan, minomili isido do monorimo kontrak rakaman mantad Suria Records, om minangada tawaran mantad SOny Music, BMG Music om Warmer Music. Antakan 1 Ngiop 1996. Suria Records pinoposoliwan album kumoiso disido ii minomoguno ngaran disido sabaagi uhu album. Goos rakaman album kumoiso nopo diti nga' mogumbal kopio tu' isido nopo nga' minog popisulimbanng do ababayan mempromosi albm om kotoundaan monoguang SPM. Hali pia miagah dii, album kumoiso dau nopo nga nakalantaooi kopio, om minongukab ralan montok album-album ii nakalantoi id pasaran. Single kumoiso album dii, "Jerat Percintaan" nakalantoi do Anugerah Juara Lagu ke-11 om duo anugerah montok Koposolimbahan Bobos Tosonong om Baada Bobos Tosonong, om kinalantaion ganda apat id Anugerah Bntang Popular Berita Harian montok kategori Penghibur Televisyen Paling Popular, Mononondig Tondu Popular, Artis Remaja Popular om kinalantaion poimponu, Bintang Paling Popular. Kinalantaion nopo diti nga' monigowo tu' isido nopo nga' mogiala miampai ogumu artis senior ii kiharo lobi ogumu nawayaan id suang industri muzik.
Suai ko kalaja solo, pinoposogu nogi i Adnan kumaa di Siti montok monondig miampai tambalut selabel, 2 by 2, ii nakalantoi id pialaan monondig onjulan Suria Records. Montok monguhup monginsonong kalaja tinimungan iti ontok di toun 1996, pinoposogu i Adnan kumaa di Siti om 2 by 2 monondid iso sinding Malayu klasik ii kiuhu do "Mawarku", tonding mantad di Allahyarham Aziz Jaafar om tinimungan Pancasitara. Piuhupan Siti om 2 By 2 maya sinding "Mawarku" nopo nga' iso kinalantayon tagayo. Album kumoiso 2 By 2, Rindu nkojual soginumu 100 000 unit. Kinalantaion "Mawarku" nogi nga' noiktiraf id Singapura. Sinding diti nakaanu anugerah sabaagi Sinding Bobos Otutunan 1996 om Siti nakaanu anugerah Artis Wagu Bobos Otutunan id Anugerah Muzik Bobos Otutunan.