Wp/dtp/Sandakan

Kakadayan Sandakan

Sandakan nopo nga iso kakadayan di toponsol id pogun Sabah om id bobos koduo tagayo id Sabah. Sandakan nopo nga watas id Boogian Sandakan, id ponongkosilahon Sabah. Naaga o soginumu 479,121 tulun poingion id watas diti ontok toun 2009 om koingkakat mantad tinaru Bajau, Suluk om nogi majoriti tulun mantad tinaru Cina.

Tumanud sajara, Sandakan koumbal nokosiliu sabaagi Ibu Negeri montok pogun Sabah tintod kopomorintaan tulun Boritis di laid. Kinoyonon dii nogi nga koumbal nokosiliu sabaagi kinoyonon di toponsol ontok Pisangadan Pomogunan ko-2 id toun 1941-1945.

Jata Sandakan

Ointutunan nogi Sandakan mantad kinoyonon kotombuluian dau di kagayat ginawo okon no ko tutumombului id suang pogun nga nogi mantad labus do pogun. Kinoyonon di kosiliu longkod kotombuluian miagal nogi Sungai Kinabatangan, Gua Gomantong, Taman Ponondulian Orang Utan Sepilok om Taman Pulau Penyu.

Etimologi

Pogulu, Sandakan nakaanu ngaran mantad songulun mononolod kitinaru Scotland mantad lasgow ii nopo nga tulun papadagang sanjata, William Clark Cowie. Tumanud boros Suluk, Sandakan mogowit korotian kinoyonon di pinajak. Kalapas dii, pinomungaranan do Kampung German gama do ogumu pangkalan/longkod tulun germen id kinyonon do hiri.Ontok nosorob o walai di Cowie, iso kakadayan wagu winonsoi om pinomungaranan do Elopura ii kirati do 'kakadayan di olumis'. Suai ko ii, lohowon nogi sabaagi 'Little Hong Kong' tu ogumu tulun mantad Hoong Kong (Hakka om Kantonis) nokorikot id kinoyonon dii.