Wp/dtp/Ririkin

Ririkin (Boros Inggilis: computer) nopo nga' iso kakamot haro duo kawo tagayo: dontuntuu (digital) om donpapali (analog). It kawo dontuntuu ii togumu pakayon baino. Poomitanan tadaadau do ririkin nopo nga' kukuzut (mobile phone) toi kikibit (laptop). Tudu tagayo do ririkin nopo nga' pongintaban, tu' oinsanan it gunoon id ririkin yokito ugu mirumo maya' dimpou pirumaan nopo nga' kinootusan do ponuhuan do ririkin kumaa longkodizap (central processing unit) dau. Tokud nopo nga' iso nogi o komoyon do ririkin, mantad topod hogot tutok om gorud.

Nawayaan

Id boros Inggilis, ririkin nopo nga' computer. Hogot diti napakai di laid pamarait do tulun tomod (tongoondu' koubasan) ii noluda' do mongintob ogumu kopio koizapan. Iyolo nopo ti nga' momoguno kakamot ponguhup miagal tundar tintuhun (logarithmic tables), tukuunsud (slide rule), om pongintob (calculator). Nga' soira do sumilau no kohizaan do ririkin kikomilaan togonop om nokotounda' no pakayon, nokosili nodi komoon do hogot computer mantad tulun di mongingintob kumaa kakamot di mongingintob.