Wp/dtp/Putera William
I Putera William, Duke do Cambridge nopo nga tanak totuo' di Putera Charles, Putera do Wales om di mendiang Diana, Puteri do Wales. I Putera William nogi nga manangaki di Ratu Elizabeth II om Putera Phillip, Duke do Edinburgh. Isio nogi nga id tukad koduo, kalapas Putera Charles, montok sumiliu Raja do United Kingdom om nogi 16 pogun suai di komoyon do pomogunan Commonwealth. Soira osiliu i Putera William do Raja, roitan nondo isio sabaagi William V toi ko' William Kolimo. Suminawo isio di Catherine, Duchess do Cambridge ontok 29 Ngiop 2011 id longkod panambayangan Westminster.
Kinosusuwon[edit | edit source]
Nosusu i Putera William id Hospital St. Mary ontok di 21 Magus, toun 1982. Binaptisan isio di Uskup Agung do Canterbury, i Robert Runcie id linimput Muzik do Istana Buckingham tontok 4 Magus 1982. Sabaagi do manangaki kusai do Ratu om tanak kusai totuo' do Putera do Wales, roitan i Putera William "His Royal Highness Prince William of Wales" nga lohowon do "Wombat" mantad molohing dau i Raja om Ratu.
Sinikulan[edit | edit source]
Nokosikul isio id Jane Mynors' nursery school om the pre-preparatory Wetherby School, koduo-duo nopo nga tadika swasta hilo id London. Kalapas diri, minongoi nogi isio sikul hilo id Ludgrove School om nakapa'as nodi poporiksaan, ongoi diri isio hilo Eton College gisom toun 2000. Suang isio hilo id Longkod Pinsingilaan Tasawat do St. Andrews om nakaanu nogi isio ijazah id boogian Geografi ontok toun 2004.
Karaja diraja[edit | edit source]
Ontok tulan Koturu 2005, pinapapanau do karaja kumoiso i William sobaagi do wakil Elizabeth II toi Ratu Niu Jilon, id Kapanansarahan Pisangadan Pogun Ko-2 id Niu Jilon.