Wp/dtp/Priyanka Chopra
Priyanka Chopra Jonas | |
|---|---|
.jpg) Chopra Jonas ontok 2024 | |
| Kinosusuon | Priyanka Chopra 18 Madas 1982 Jamshedpur, Bihar, India |
| Occupations |
|
| Years active | 2002–dinondo |
| Works | Full list |
| Title | Miss World 2000 |
| Spouse | |
| Tanak | 1 |
| Relatives | Chopra family Jonas family |
| Gaa | Full list |
| Honours | Padma Shri (2016) |
| Signature | |
 | |
Priyanka Chopra (arait do [prɪˈjəŋkaː ˈtʃoːpɽaː][1]; nosusu ontok 18 Madas 1982) nopo nga songulun mimingkono, susuminding om papalabust filem India, om mongigit do pamalahawan Miss World 2000. Isido nopo nga songulun mimingkono ii monorimo do ingadan di akawas id India, nokotorimo isido mogisuusuai anugerah kaampai no do iso Anugerah Filem Kabansaan om limo Anugerah Filmfare. Ontok di toun 2016, minanahak o Porinta India ii no Padma Shri montok dau om Time minomungaran dau sabaagi songulun mantad 100 tulun ii agayo rahung id pomogunan. Ontok toun 2017 om 2018, Forbes pinapasanari dau sabaagi 1 mantad ko 100 tondu ii agayo do kuasa id pogun.
Sundung di pogulu nopo nga, manu ii Chopra do minsingilo kokomoi kejuruteraan aeronautik, nga minonorimo iyau do tawaran montok mimparagat aktif id suang industri perfileman India[2] kalapas do kinalantayan dau id piboian kolundusan miampai nakaanu popokito do koposolimbahan dau id Bollywood koiso id suang pilem The Hero: Love Story of a Spy (2003). Minongigit isido do tondu i kono koiso id filem Andaaz (2003) om Mujhse Shaadi Karogi (2004) miampai nokotorimo pongunsikahan di alaab id filem thriller 2004 Aitraaz. Toun 2006, pinopointutun i Chopra do tinan sondiri sabaagi iso mantad toinsanan i kingaran id Bollywood miampai do peranan lakunan id suang filem Krrish om Don. Ginumuli isido do mimparagat ontok 2008 miampai mongigit kono songulun model i kikobolingkangahan id suang filem Fashion, ii pinapalayak disido nakalantoi id Anugerah Filem Kabansaan montok Palakun Tondu Tosonong, om wartawan glamor id suang Dostana. Chopra nogi nga nakaanu do pongiktirafan alaab miampai mamalakun mogisuusuai kono id filem miagal ko Kaminey (2009), 7 Khoon Maaf (2011), Barfi! (2012), Mary Kom (2014), dan Bajirao Mastani (2015). Mantad 2015 gisom 2018, isido nogi nga pinapalokon sabaagi do Alex Parrish id suang siri drama thriller ABC Quantico, nadadi do palakun Asia Selatan koiso ii minonoraju siri drama dingkai Amerika. Chopra nogi nga minongigit do kono id filem komedi Baywatch (2017) om Isn't It Romantic? (2019), om guminuli id pawagam Hindi maya do kono koiso id suang biopik The Sky Is Pink (2019).[3][4][5][6]
Sabaagi songulun ii dermawan, misokodung i Chopra miampai do UNICEF mantad di toun 2006 om nosiliu sabaagi Duta Muhibah UNICEF Kabansaan montok tangaanak ontok toun 2010 om 2016. Popointutun isido kokomoi wonsoyon sosial do posorili, kolidasan om pondidikan, miampai no do hak-hak koonduan, om moboros montok do kopiagalan jantina om feminisme. Sabaagi artis rakaman, asaru isido papalabus do single. Iyau nogi nga songulun pengasas syarikat penerbitan Purple Pebble Pictures, ii popoterbit do filem Marathi Ventilator (2016) ii noiiktiraf. Sundung do privasi nga, koposion labus skrin di Chopra nopo nga subjek liputan montok media ii agayo. Nakasawo isido miampai songulun mimingkono ii Nick Jonas ontok Momuhau 2018.
Sukuon[edit | edit source]
- ↑ "I've Always Been Part of Big VFX Blockbuster Films...": Priyanka Chopra. Bollywood Hungama. 21 October 2013. Event occurs at 0:02. Archived from the original on 25 October 2013. Linoyog ontok 25 October 2013.
- ↑ Masand, Rajeev. "I don't see myself as 'sexy': Priyanka". RajeevMasand.com. Archived from the original on 21 February 2014. Linoyog ontok 4 January 2013.
- ↑ "Birthday Special: 30 Facts About Priyanka Chopra". Rediff.com. 18 July 2012. Archived from the original on 26 September 2012. Linoyog ontok 18 September 2012.
- ↑ "Birthday blast: Priyanka Chopra's Top 30 moments in showbiz". Hindustan Times. 17 July 2012. Archived from the original on 18 July 2012. Linoyog ontok 3 September 2012.
- ↑ ""I'll get married six times" – Priyanka Chopra". Filmfare. 17 October 2013. Archived from the original on 6 August 2016. Linoyog ontok 27 June 2016.
- ↑ Batra, Ankur (1 June 2015). "Priyanka Chopra missed visiting her hometown Ambala". The Times of India. Archived from the original on 8 July 2015. Linoyog ontok 27 June 2016.