Wp/dtp/Persatuan Pandu Puteri Malaysia

Persatuan Pandu Puteri Malaysia (PPPM) nopo nga iso mantad do 144 organisasi kopuruan Persatuan Pandu Puteri om Pengakap Puteri Sedunia (WAGGGS). noturidong iti Persatuan Pandu Puteri Malaysia miampai poinmagon daasom toun 1917 soira do nokodopitor id Calcutta nga Pusat Pentadbiran nopo nga id Singapura, gisom do toun 1956.

Kiharo do komitmen o Persatuan Pandu Puteri Malaysia diti montok papaasil do tongorumombungan tongoondu om tondu nongosukod i kikaliber maya kapasandadan koilaan, kabaalan om gatang kepanduan montok do kounalan nusa, bansa om nogi tongoulun posorili.

Kitudu' o Persatuan Pandu Puteri Malaysia montok poposiliu iso organisasi di dinamik om kibagas montok tongorumombungan om tondu nongosukod. Popokito yolo do imej di mitipong miampai program kikualiti i popotounda' tongorumombungan om tondu nongosukod do timpu babaino montok sumili boyoon doid timpu dumontol.

Suai ko' ilo, popotounda nogi o Persatuan Pandu Puteri Malaysia diti do program kepanduan di kicorak pondidikan okon formal. Kopoindalanan program okon formal diti popotosol do pangkaidahan id fleksibel, koihak om aktif montok momogonop kaanangan om kobuuburuon tongorumombungan om tondu nongosukod id Malaysia.