Wp/dtp/Parti Harapan Rakyat Sabah
Parti Harapan Rakyat Sabah toi ko' Harapan Rakyat nopo nnga iso mantad parti id pogun Sabah. Nakaanu o kookunan mantad Pendaftar Pertubuhan (RoS) ontok 24 Gumas 2016. Parti nopo diti nga poinsuang nogi id suang do GRS mantad 5 April 2023. Momuruan nopo do parti diti nga i Presiden Brig. Jen (B) Tan Sri Datuk Liew Yun Fah (JP).
Brig. Jen (B) Tan Sri Datuk Liew Yun Fah (JP) nopo nga ponorikohon do DESA (Sabah) ontok toun 2023 ii nopo nga iso sarikat kokomoi (GLC) di papaasil taakanon agro om aasil tenusu. Koumbal nogi minogowit tonggungan sabaagi Montiri Belia & Sukan Sabah ontok toun 2004.
Parti diti popotumpu do tonggungan diolo id boogian Pantai Timur Sabah, kaampai nogi watas Tawau, Kalabakan om Lahad Datu. Hizab nopo do parti diti nga montok monguhup mogigion sandad id aspek do kotundunan.
Sajara ponuridangan[edit | edit source]
Parti Harapan Rakyat Sabah noturidong ontok toun 2016 om binuruan do tinimungan pro miagal i Datuk Seri Panglima Haji Lajim Haji Ukin, aktivis PKR om nogi tulun tangabaal parti PKR Sabah. Lajim Ukim nopo nga Timbalan Momuruan Montiri Sabah om nogi Timbalan Montiri id taang Persekutuan solinaid disio poimpasi. Monongkiala o Parti Harapan RakYat id suang do PRU14 sabaagi iso mantad parti komponen miampai parti-parti komponen suai miagal STAR, SAPP, PCS, om PPRS. Id suang do PRU dii, nakaanu o parti piomungan Sabaho duo kinoyon montok DUN Sabah om minomonsoi di piomungan miampai BN id toun 2018. Sundung po tu do ingkaa, piomungan dit solinaid no 2 tadau gama do kiharo pisokodungan BN om Warisan.
Ontok 17 Februari 2019, pinopunso o parti diti gama do koinsanan surupu minongoi amung do Pakatan Harapan. Sundung po tu do ingkaa, ontok 3 Ogos 2019, kiharo piipiro ahli majlis di minonokodung do parti diti maya Persidangan Agung Perwakilan Khas. Mantad no diri, linantik i Brigade Jeneral (B) Tan Sri Liew Yun Fah (JP) om ontok toun 2020, suminiliwan i Almarhum Datuk Seri Panglima Haji Lajim Haji Ukin mantad parti di pogulu do minongoi tanud perjuangan Nasional om minomuruan Unit Strategi om 'Pilihan Raya' BERSATU id pogun Sabah sabaagi ponorikohon. Minidu pogun i Almarhum Datuk Seri Panglima Haji Lajim Haji Ukin ontok toun 2021 gama do tomporuol Covid-19. Baino, songulun po i Liew do popotilombus do agenda parti dii tu suminiliwan i YB Datuk Maijol Mahap, Timbalan Presiden Parti Harapan Rakyat.
Notorimo o parti diti sabaagi iso komponen wagu id suang do parti piomungan Gabungan Rakyat Sabah (GRS) om monongkotuod do Pparti Gagasan Rakyat Sabah (PGRS).