Wp/dtp/Parti Gagasan Rakyat Sabah
Parti Gagasan Rakyat Sabah, toi ko' loobi ointutunan sabaagi GAGASAN om PGRS nopo nga iso parti puliti id Sabah om nokoimagon ontok 28 Magus 2013. Poinsuang nopo id parti diti nga tulun mantad mogisusuai tinaru om kiangkab do manamong om popolombus suang ginawo om hak Sabah kumaa kopomorintaan. Nokotimpuun parti diti mooi do loobi aktif ontok toun 2016 om iso mantad komponen id suang do parti Gabungan Rakyat Sabah (GRS) mantad 9 Momuhau 2022.
Sajara[edit | edit source]
Kinoingkakatan parti[edit | edit source]
Parti Gagasan Rakyat Sabah tinuridong di Dr. Ationg Tituh ontok 28 Magus 2013 sabaagi iso parti di koingkakat mantad mogikaakawo tinaru miampai iso dimpoton ii nopo nga montok kopokitanan gaab tangaanak Sabah id suang do koporintaan. Kinoingkakaton parti diti nokotimpuun ontok toun 2016. Pogulu, nakadaftar parti diti sabaagi Parti Gagasan Bersama Rakyat Sabah (Parti BERSAMA), om nakaanu kasagaan mantad Jabatan Pendaftaran Pertubuhan (RoS) id soibau do Akta Pertubuhan 1966. Nakaanu kasagaan sabaagi parti politik ontok toun 2013.
Pinongumbalan montok monokodung[edit | edit source]
Ontok Gomot 2020, GAGASAN miampai do tolu parti pulitik Sabah suai minogiunung montok popoturidong pogiomungan partii politik lokal Sabah ii noponga Parti Cinta Sabah (PCS), Part Kerjasama Anak Negeri Sabah (Anak Negeri) om nogi Parti Hak Sabah ii aa po nakadaftar. Kaapat-apat parti mini'iso montok momonsoi kosokodungan miampai popi'iso kaapat-apat parti id suang do iso parti ii nopo nga (GAGASAN). Anifah Aman sabaagi Presiden.
Sundung po tu do ingkaa, pinongumbalan montok misokodung diti nopiil soira au notilombusan o agenda parti om nokosiliu i Anifah Aman do presiden PCS ontok Julai 2020 pogulu do pilihan raya negeri.
Nuludun Presiden GAGASAN[edit | edit source]
Presiden
| No. | Ngaran | Linaid Buruon | |
|---|---|---|---|
| 1 | Dr. Ationg Tituh | 28 Magus 2013 | 20 Mikat 2021 |
| 2 | Stephen Jacob Jimbangan | 21 Mikat 2021 | 29 Milatok 2023 |
| 3 | Hajiji Noor | 5 Mansak 2023 | penyandang |