Wp/dtp/Osaka

Osaka (Jepun: 大阪市, Hepburn: Ōsaka-shi) nopo nga ibu negeri kumaa watas Osaka, Jepun. Osaka nopo diti nga kiwaa tulun mogiigion soginumu 2.7 riong om kakadayan koduo id kiwaa populasi tagayo id Jepun kalapas do kakadayan Tokyo antakan do tadau. Nga soira nopo totuong nga kosiliu sabaagi kakadayan kotolu id kiwaa populasi tulun di ogumu kalapas Tokyo om Yokohama. Osaka nopo diti nga poingimpou do id kinoyonon Kansai id Pulou Honsho id bawang Yodo id Rahat Osaka.

Osaka nogi nga iso kakadayan komersial di kisajara tomod id Jepun om kakal po kosiliu sabaagi longkod industri tapangkal do pelabuhan id Jepun. Kakadayan diti nogi nga oilaan sabaagi longkod do metropolitan Osaka-Kobe-Kyoto id hinombo populasi nopo nga soginumu 17, 510,000 tulun mogigion.

Sajara

Kakadayan Osaka id kotimpuunon nopo nga oilaan sabaagi Naniwa, iso ngaran id kakal po haro id iso kinoyonon id Osaka iri no tu Naniwa om Namba. Ontok toun 1496, Boogian Buddha Jodo Shinshu minongukab longkod iri no tu Ishiyama Hongan-ji sabaagi do iso kuil id nawaal poingirot id tapak istana diraja dilaid do Naniwa. Ontok 1570, Oda Nobunaga minanagod kuil di om ahal diti nosiliu solinaid 10 toun.