Wp/dtp/Nicol Ann David

Yang Berbahagia Datuk

Nicol Ann David

Nicol David June 2020
Personal information
Full name	Nicol Ann David
Nickname	Duracell Bunny
Born	(1983-08-26) 26 Magus 1983 Penang, Malaysia
Height
Weight
Website	www.nicoldavid.com
Sport
Country	Template:Wp/dtp/Country data MASTemplate:Wp/dtp/Namespace detect showall Malaysia
Event	Women's singles
Turned pro	2000
Coached by	Liz Irving
Medal record Women's squash Representing Template:Wp/dtp/MAS
Updated on September, 2017.

Datuk Nicol Ann David DB PJN DSPN KMN AMN (nosusu ontok 26 Magus 1983) nopo nga songulun pamain do skuasy profesional tulun Malaysia om nogi tondu Asia koiso ii nosiliu sabaagi pamain taang koiso #1 pogun id sipoot skuasy tongondu. Isido nogi nga nokoumbal do nakalantoi pamalahawan id sipoot poingukab British ontok toun 2005, 2006 dan 2008, om nogi pamalahawan poingukab Pogun ontok toun 2005, 2006, 2008, 2009 dan 2010.

Nicol nopo nga songulun pamain skuasy di koiso ii nakalantoi id Pialaan Skuasy Junior Sompomogunan soginumu induo; di ontok toun 1999 om 2001 id siriba tapanai di Richard Glanfield. Nadadi isido sabaagi do iso-iso no pamain skuasy tondu ii kiwa kinalantayan diti gisom i Raneem El Weleily nakaanu popiagal do kalantayan id Pialaan Junior sompomogunan koduo ontok toun 2007. Minampayat nogi i Nicol do WISPA om nakaanu do status profesional ontok toun 2000 soira nakalantoi pamalahawan do WISPA di koiso nogi sombulan kalapas kaampayatan dii. Kinalatayan diti nagampot ontok wulan Mansak soira nakaala isido di Salma Shabana id turugan tohuri no id Pialaan Poingukab do Finland Savcor. Ontok 7 Mahas 2008, noonuan i Nicol David do pamalahawan Darjah Bakti aantakan do tadau keputeraan Yang di-Pertuan Agong Tuanku Mizan Zainal Abidin. Suai ko ii, noonuan nogi i Nicol do pamagantangan montok mogowit do obor Olimpik Malaysia ontok kopotoundaan do Sipoot Olimpik id Athens ontok toun 2004 om nogi nadaadi sabaagi Duta Muhibah Kabansaan Malaysia mantad UNDP.

Kiwaa nogi nodimpot di Nicol David do suai kaampai no do Pialaan Skuasy Asia miampai do nakalantoi soginumu inturu (1998, 2000, 2002, 2004, 2006, 2008 dan 2010). Nakaanu nogi isido do mongumolig timpu kalantayan dau solinaid 13 wulan om 51 pialaan mimpuun do Gomot 2006, gisom do naala di Natalie Grinham id pialaan Poingukab Seoul ontok Ngiop 2007. Sundung do ingkaa, nga insan po kawagu do nakaanu isido do nakalantoi miampai au aa'la om mongigit do pamalahawan Mamaamain di abantug do WISPA soginumu do inonom miguli-guli, mantad toun 2005 gisom do 2010.

Koposion

Isido nopo nga' nosusu id Pulau Piang ontok 26 Magus 1982. isido nopo nga' tanak kumaa di mikoruhang Ann Marie David ii songulun mantad paganakan Cina om Desmond David, songulun India. Tapa disido nopo nga' songulun jurutera om koumbal nogi nokosiliu olahragawan om pamain buul nogori, om tama disido nopo nga' songulun bagas mongingia'. Nicol nogi nga' haro duo tompinai suai ii otutunan sabaagi Lianne om Cheryl ii nogi haro kinodimpoton di osonong id sipoot skuasy id taang kabansaan. Maamaso id sikul, Nicol nopo nga' songulun tangaanak di nakalantoi id sipoot mato balajalan matemaik om koumbal do kiangkab sumiliu jurutera miagal do tapa disido. Nicol nakaanu 7A id Pahangan Sikul Manangah Tosiriba om 7A id Poniisan Sijil Palajaran Malaysia. Isido nopo nga' koumbal sumikul id Sikul Kabansaan Green Lane om minongoput pambalajalan id Sikul Takawas Kabansaan Convent Green Lane id Green Lane, Pulau Pinang. Isido nopo nga' Kristian (Roman Katolik).

Anugerah om Kapantangan

Ontok 7 Mahas 2008, Nicol nakaanu Darjah bakti (D.B.) antakan kapanaandakan tadau koputaraan Yang di-Pertuan Agong Tuanku Mizan Zainal Abidin. isido nopo nga' mamaramit kumoiso anugerah ii pinoimpohon antakan 26 Mahas 1975. Anugerah dii kihad kumaa 10 mamaramit ii nokowonsoi do ponguhupan tagayo id gana koinusan, sains om kotulunan. Ontok 12 Madas 2008, isido nopo nga' kosiliu songulun mantad ko 497 tulun ii nokotorimo kapamantangan antakan tadau koputaraan Yang Dipertua Negeri Pulau Pinang, Tun Abdul Rahman Abbas ke-70. Nicol nopo nga' antara 28 tulun ii nokotorimo Darjah Setia Pangkuan Negeri (DSPN) ii mogoit galaran do Datuk, om iri kinoposiliu disido sabaagi lundu bobos tomulok ii nakaan galaran Dato' id Pulau Pinang. Luguan Montiri Malaysia antakan dii, Tun Abdullah Ahmad Badawi ii mantad nogi Pulau Pinang, koumbal magakun do ii Nicol nopo nga' lobi kingaran ko isio. Ontok toun 2007, nakaanu isido do ijazah kapantangan Sarjana Koinusan honoris causa mantad Universiti Nottingham. Nicol nogi nga' nakaanu anugerah Pamain Terbaik WISPA ingonom mogisusuhut, mantad toun 2005 gisom 2010.

Ontok 19 Manom 2012, nakaanu isido nugerah Tauliah Pegawai Kehormat tid suang Pasukan Simpanan Sukarela Tentera Udara Diraja Malaysia (PSSTUDM) miampai mongingit pangkat Mejar (Tapantang) PSSTUDM. Majlis Pamakaian Pangkat nopo nga' pinasampai di YBhg Jeneral Tan Sri Dato' Sri Rodzali bin Daun TUDM, Panglima Tentera Udara di Eagle Nest, Markas Tantara Udara.

Nicol noonuan kapantangan mogoit do obor Olimpik sabaagi wakil Malaysia ontok Sukan Olimpik Athens, 2004 om nogi siniliu sabaagi Duta Muhibah Kebangsaan Malaysia maya Program Pembangunan Pertubuhan Bangsa-Bangsa Bersatu.

Ontok Manom 2017, nakaanu isido darjah Panglima Jasa Negara ii manahak galan datuk mantad YDPA Sultan Muhammad V.

Karaja

Sobolum 2000: Zaman junior

Nicol Ann David id Pongukab Malaysia CIMB 2008 id Kuala Lumur.

Nicol David nopo nga' tuminimpuun mamain skuasy antakan umul 5 toun, om nokotorimo tapanai momoluda antakan umul 8 toun. Komilaan disido diti nointutunan di Ee Phoeh Hoon maamaso minludan id Longkod Skuasy, Bukit Dambar. Ee ii noimayaan do bakat d Nicol nopo nga' pinapatanom kotumbayaan kumaa disido montok mampayat pialaan skuasy ontok toun 1992 om nakalantoi pingat perak id suang kategori Siriba-14 Kejohanan Junior Pulau Pinang. Id toun di miagal,nakalantoi isido kalantayan kumoiso id taang kabansaan id Kejohanan ANtara Negeri Junior Kabansaan Milo-Dunlop Sport, hinonggo isido nakaanu pingat perak montok kategori Siriba-16. Ontok toun 1994, nopili i Nicol do mamung tinimungan skuas negeri Pulau Pinang montok temasya Sipoot Malaysia, soira nokoponguhp isido skuad pogun maganu pingat amas id acara tinimungan, hali pia sumakit antakan dii. Id toun di miagal, nakaanu isido duo galaran sompomogunan di kumoiso, Hong Kong Siriba-13 om Poingukab Junior Scotland Siriba-12.

2000 - 2004: Nokosiliu profesional

Nicol David malawan pamain New Zealand, Shelley Kitchen id Poingukab Malaysia CIMB 2007.

Nicol minampayat WISPAomnokosiliu profesional ontok toun 2000 soira nakalantoi kumoiso id kejuaraan WISPA kalapas sobulan poinsuang id siriba lambaga skuasy dii. iti nopo nga'nosiliu kanyataan id wulan Mansak, soira nakaala isido di Salma Shabana id pusingan kotohuri Poingukab Finland Savcor miampai marka' 9-1, 9-0, 9-5. Sobulan kalapas dii, syaikat Hotel Equatorial pinopoumum do panajaan sompomogunan kumaa disido solinaid duo toun. Nicol nogi nga' nakaanu panajaan montok jalajah WISPA mantad syarikat Dunlop.

Ontok toun 2001, Nicol nogi nga' nataja di Dunlop Sport solinaid poingkalaja junior om WIS gisom timpu dii, minanadalongon pibatasan duo toun miampai syarikat raket Head om konglomaret tampatan, Mulpha Sports. Ontok tulun Madas, nakaantoi isido kejuaraan Junior Sompomogunan montok kumoinduo miampai minagala di Omneya Abdel Kawy solinaid timpu 17 minit miampai marka' 9-2, 9-4, 9-2 id pusingan kotohuri. Isido nogi nga' pamain skuasy tondu di kumoiso nakalantoi Pialaan Skuasy Sedunia miampai induo. Nicol nogi nga' nakaantoi id acara soosongulunan id Pialaan Skuasy Junior Asia miampai minagala tambalut sompogun, Tricia Chuah id pusingan kotohuri miampai mato 9-5, 9-6,9-0, omnokouhup pasukan Malaysia nakalantoi kejuaraan miampai tinimungan.

Ontok toun 2002, Nicol minagala di Ellen Petersen mantad Denmark miampai marka 9-2,9-7,8-10,9-4 montok mamalantoi Poingukab Kuala Lumpur montok di koinduo id karjaya disido. Isido miampai di Ong Beng Hee id acara beregu mirolot, nakalantoi id pingat perak montok skuad pogunid Sukan Komanwel 2002 soira naala di Glen Wilson om Leilani Rorani id pusingan kotohuri. Id kotimpunon do toun, Nicol minagala di Ellen Petersen mantad Denmark miampai marka' 9-2, 9-7, 8-10, 9-4 montok lumantoi id Poingukab Kuala Lumpur montok di kumoinduo. Nga', Nicol au nakalantoi minantamong do pingat amas Sukan Asia 2002 soira naala 9-7, 9-5, 9-7 kumaa di Rebecca Chiu mantad Hong Kong maamaso pusingan kotohuri id Busan, Korea Selatan.

Prestasi Nicol ontok toun 2003 nopo ngaa' au songkuro osonong, induo isido naala id pusingan kotohuri; id ppogun sondii, naala di Cassie Jackman ii lobi ogumu koinganan, o naala di Linda Elriani id Monte Carlo Classic antakan tulan Milau. Isido nokorikot id pusingan kotohuri Poingukab Sompomogunan id Hong Kong, nga' naala di Cassie Jackman miampai mato 9-6, 9-3, 9-4. Nicol nogi nga' au songkuro okito id acara utama WISPA di suai; nokosoliwan isido id pusingan koiso Poingukab ASCarol Weymuller, Poingukab British om Poingukab Texas. Id Poingukab Qatar Classic, Nicol naala id pusingan koduo kumaa di Natalie Grinham miampai mato 9-2, 7-9, 9-4.

Id toun 2004, Nicol insan po kaagu au nakaanu nunu-nunu kalantayon. Kalantayon bobos akawas disido nopo nga' poinghompit no pusingan kotohuri Poingukab Kuala Lumpur om Poingukab Malaysia. Hali pia miagal dii, Nicol tumimpuun kawagu popokito kinoingkakaton ontok tulan Momuhau soira nokosuang pusingan kotohuri Pialaan WISPA WorldStars id Shanghai om saparuh kotohuri Poingukab Sompogunan, moi do kaanu minsawat duo tukad moi tukad #4 id ranking WISPA Milatok 2005.