Wp/dtp/Mondou
Mondou (Jawi: سيڠا; Panthera leo) nopo nga iso puru genus Panthera, ii nopo nga iso kawo tungau di agayo id suang paganakan Felidae (rumpun tungau). Poinsuang mondou sabaagi spesies noumpadanan pinatayad aragang IUCN mantad toun 1996 tu nokoingkuri populasi poinwalad Afrika gisom 43% mantad toun 1990-an. Populasi mondou apagon do momogompi id soliwan kinoyonon pomogompian. Sundung po au po noilaan kopio tadon kinoingkurian do mondou nga, katagakon do habitat om kopitukaan do tulun nopo nga ahal di kotongob. Populasi mondou id Afrika Barat poinsuang sabaagi spesies di noumpadanan mantad toun 2016. Mondou tolias di haro id Asia nopo nga poinsuang kawo mondou Asia, om mondou Asia nga poinsuang sabaagi spesies noumpadanan mantad toun 1986.
.jpg)
Koingumuan do mondou tolias au apasi alaid mantad 10 - 14 toun, loolobi po timpu koposion noinibaan do toruol mantad pioduhan. Mondou id suang tinimungan kaanu apasi gisom 20 toun. Koubasanan nopo nga kinoyonon nopo do mondou nga id savana om gana kisakot, om talun. Lobi orohian mondou do bersosial (id tinimungan) mantad ko spesies tungau di suai.