Wp/dtp/Manila

Kota Manila id Peta Pogun

Manila (boros tagalog: Maynila) nopo nga ibu negara kumaa pogun Filipina id poingimpou doid timur Teluk Manila id pulou Luzon. Kakadayan nopo diti nga oilaan sabaagi iso watas metropolitan id Filipina diti om kiwaa tulun mogiigion soginumu 10 riong tulun. Suai ko iri, kakadayan Manila nopo diti nga kakadayan koduo di apakot kalapas kakadayan d Quezon, iri no tu bagas do ibu negara pogun FIlipina.

Sumusuhut, manila om watras posorili dau nopo nga nokosiliu sabaagi koisaan Metro Manila montok poposonong kotoinaan watas montok do koingkokoton id aparal baino. Om baino nadadi o kakadayan diti sabaagi longkod koubasanan om ekonomi.

Sajara

Manila nopo nga iso mantad ginumuan watas pogun id poighali toi ko' nakalaid no id Asia diti. Suai po, Manila nogi diti nga ointutunan sabaagi iso kopomorintaan Sultan Melayu Islam aantakan do zaman pra-Sepanyol. Islam id Manila pointopot id Kota Seludong nopo nga noboros do nokotimpuun mantad do pogun kesultanan Brunei. Ngaran MANILA di sondii nga naanu mantad boros Arab iri no tu "Fiamanillah" id kikomoyon "poingimpou koingoligan mantad Allah." Sundug po tu ingkaa nga kapasarabakan Islam nopo diti nokopian soira do kiwaa rahung mantadpogun Sepanyol id hinombo popointutun do Kristian. Sumusuhut, Sepanyol managod Kota Manila antakan toun 1570 montok koinsan om koinduo nopo nga antakan 1571. Luguan do kopomorintaan Sepanyol iri no tu Miguel Lopez de Legaspi nakalantoi do paparatu kopomorintaan Islam Manila id noporinta do Raja Sulaiman. Raja Sulaiman nopo nga minidu pogun maya syahid id Filipina montok popoturidong kuasa do Islam.