Wp/dtp/Linah Bagu

Zandi Linah Bagu i poinsorundung do wotik buragang miampai puru Kalab Wiki IPG Kampus Kent.

Linah Bagu@Siti Nurlina Abdullah (nosusu 17 Gomot 1966) nopo nga songulun lungkitas Boros Kadazandusun i minomuruan do momonsoi kurikulum Boros Kadazandusun montok PPISMP, PISMP om PDPP. Suai ko iri, isido nogi nga woyoon manahang om momili mokiikinobos di sumuang id IPG, momiimilantoi piboian hiis om tangon id taang pogun Sabah om pinopoturidong do galeri Bahasa Kadazandusun di kumoiso om kumoinsan nogi id pogun Malaysia. Baino, nosiliu isido sabaagi do luguan Jabatan Boros Kadazandusun tumimpuun di toun 2019 gisom baino om nakaanu popoingkawas do Boros Kadazandusun sabaagi tier 1 id pototongkop IPG Malaysia. Pogulu po, isido nogi nga minomuruan do Jabatan Boros id IPG Kampus Kent solinaid sontoun om lobi. Nokoimpou o Boros Kadazandusun id taang kabansaan om sompomogunan maya aktiviti seminar ponoriukan pinaanjur do Jabatan Boros Kadazandusun piniuhupan do UPSI, UMS om Sidma College ontok di toun 2018, 2019 om 2021. Nakaanu isido do anugerah perkhidmatan cemerlang mantad Kementerian Pendidikan Malaysia di toun 2000,2006 om 2019. Sumusuhut, nakaanu nogi isido do anugerah Bintang Kinabalu (BK) di toun 2017 om anugerah Penggiat Boros Etnik (2021) mantad TYT Sabah om ponorikohon kotinanan koubasanan Dusun Bundu Sabah mantad di toun 2019 gisom baino.