Wp/dtp/Lansat
Lansat nopo nga iso kawo susumuni mantad do puru Semananjung Malaysia om baino nakasarabak id kinoyonon - kinoyonon tropika tu oomis kaakanan do tua. Puun diti nogi nga okito id pogun ASEAN suai. Ngaran botani lansat nopo nga Lansium domesticum Jack toi Lansium domesticum var pubescens.
Warana kulit nopo nga osisilou om sukulat miampai tonsi di alamou om opilit - pilit. Soira onsian o kulit, koimbulai o tonsi di opurak oniting om oomis. Linsou nopo lansat nga opoit om au akanon. Ngaran spiesis suai nopo nga dokong, duku, lansa, langsep, lanzon, lanzone, lansone toi kokosan.
Songongi momiluang id guas puun lansat nopo nga iso kobolingkangan tu kaanu manapad sinunion om koinggoyoon raan, tumatak o roun om orobuk o raan. pomiluangan diti nopo nga kosoruan no do mimpuun id guas do puun. Kosoruan nopo nga pioniton o kobolingkangan diti miampai duo kawo tataru momoluang kulit Doloessa viridis & Anarisia sp.