Wp/dtp/Lampun
Lampun miampai ngaran saintifik Annona Muricata nopo nga spiesis tua id paganakan Annonaceae Genus Annona sontinimungan miampai tua nona. Tua’ diti nopo nga mantad id kinoyonon tropika kaampai no kabaatan Mexico maya Caribbean gisom koibutan Amerika Syarikat. Susumuni diti nopo nga susumuni poinsopung di pinointutun do lulumoyog Barat mantad pomogunan id Asia Tenggara.
Pomungaranan[edit | edit source]
Nopungaranan o tua diti tu kowoowoyoon di kirugi i osomok kopiagal do tupolo. Ngaran tua’diti haro piagalan do boros somboyungan Nusantara miagal ko:
Boros Jawa: nangka landa, nangka walanda
Boros Palembang: nangko belando
Boros lampung: Jambu Lando
Boros minangkabau: Durian Betawi
Boros Nias: durio ulondo
Botani[edit | edit source]
Puun tua’ diti nopo nga kikawo malar otomou om kosuni gisom kilinawoi 9.1 meter. Guas nopo nga kiharo wulu aalus maamaso omulok. Roun nopo nga alandui miampai ninaru 8-16sm om 3-7sm kulit alamou id sawat mantad tinggayan kininaru 4-13mm.
Tusak nopo nga koimbulai misulak mantad do roun toi mantad siriba roun puun di sondii. Kulupak do tua diti nopo nga akapal om kibontuk do alandui om kiwarana osiisilou. Tua’ diti nopo nga gumayo gisom 30sm ninaru om kirugi kaagal do tupolo. Tonsi nopo nga opurak, kiaro wongi sondii om kiharo ogumu linsou. Tonsi tua’ diti nopo nga oomis om suang oomis poinsandad nopo nga soginumu 68%.