Wp/dtp/Kunlavut Vitidsarn
Template:Wp/dtp/short description
Kunlavut Vitidsarn (Boros Thai: กุลวุฒิ วิทิตศานต์; loobi nointutunan sabaagi View (Boros Thai: วิว); nosusu ontok di 11 Mikat 2001) nopo nga songulun mamain badminton Thailand. Isio nopo nga Juara Dunia montok ababayan mintootoiso tongokusai mamaso nakaanu isio do midol amas ontok Kejohanan Dunia 2023. Nakalantoi isio do intolu id Kejohanan Remaja Dunia om nakaanu midol amas. Ii Vitidsarn nopo diti nga mamain mintootoiso di kumoiso do naakaanu tolu pangarain id Kejohanan Remaja Dunia, miagal di Ratchanok Intanon om Chen Qingchen ii nakalantoi do intolu id Kejohanan Remaja Dunia id ababayan di miagal. Nakaanu isio do midol amas ontok di Kejohanan Remaja Asia ontok di toun 2019, hinombo do pogulu ii nakaanu isio do midol piok ontok di 2018 om midol luyang di toun 2017. Minoi isio ampayat id Sukan Olimpik Remaja Musim Panas 2018, om sabaagi soboogian mantad tiim Omega om nakaanu do midol piok id ababayan tiim. Nonuaan iso do gaa sabaagi Pemain Paling Menjanjikan Eddy Choong 2020/2021. Id kotogori senior, naakaanu isio do midol piok ontok di Kejohanan Dunia 2022 om naakaanu midol amas ontok di 2023. Nosiliu isio dii do mamain Thailand kumoiso ii naakaanu galar id Kejohanan Dunia id ababayan mintootoiso tongokusai.