Wp/dtp/Jumaat Agung

Upacara Jalan Salib pada hari Jumaat Agung bagi memperingati kesengsaraan Jesus Kristus.

Jumaat Agung (boros Inggeris: Good Friday) nopo nga iso koundarangan kougamaan id suang do nubasanan ugama Kristian montok momuhondom 'hukuman salib' di momoomogompi, Yesus Kristus i pinosusui id Golgotha i posorili id Yerusalem. Koundarangan diti taandakon ontok Minggu Suci sabaagi soboogian mantad Paschal Triduum ontok tadau Kurudu' i pogulu po do Tadau Easter ontok tadau Tiwang. Suai ko' ilo nga kopiampap nogi iti do tadau Passover do tulun Yahudi. Montok do ugama Kristian Roman Catholic, pogulu po do manaandak diti Tadau Jumaat Agung nga kawaya po ngawi do kopoingguluan do mongkodos id nombo do nointutunan iti sabaagi do Rabu Abu. Sumusuhut nopo nondo soira do kosuang id Minggu Suci montok manaandak Tadau Easter nga sumuang nondo id Khamis Putih, Jumaat Agung, Sabtu Suci om kumaa nogi nondo id Tadau Easter toi ko' Hari Besar Paska. (Tadau Kinotungagan Jesus Kristus).

Tadau montok momuhondom tadau diti nga kopisimban mantad tadau kumaa tadau tumanud do koinsiron id suang do takwim Gregorius. Gereja-gereja Mazhab Timur om Mazhab Barat nopo diti nga oinsaru do misiwal kokomoi pongintaban diti tadau kosombutan Easter, loolobi po do timpu baino. Tadau diti nopo nga pinoimagon sabaagi koundarangan am id piipiro pogun Barat id nombo do poinsuang o piipiro kinoyonon id pogun Amerika Syarikat. Okon ko' ilo' no, haro nogi piipiro pogun di pointantu miagal ko' Jerman do kiharo kooturan i mongodu tomod do momonsoi kuamaon toi ko' koimaan miagal ko' sumayau om milumbo' kuda tu kitumbayaan do mamaraag kopio do tadau suci diti.