Wp/dtp/Epifani

Epifani (boros Yunani Koine: ἐπιφάνεια, epiphaneia, "pinopokito", "kinointalangan") toi ko' Teofani (boros Yunani Kuno (ἡ) Θεοφάνεια, Τheophaneia kirati do "kinointalangan do Tuhan"), toi ko' Hari Raya Penampakan Tuhan. Tadau nopo diti nga iso tadau kapanaandakan id ugama' do denominasi gereja Kristian ontok do 6 Milatok id nombo do manaandak wahyu Allah sabaagi tulun i nointutunan Yesus Kristus. Suai ko ilo', Efipani nogi diti nga kokomoi do kopointalangan / manifestasi di Yesus Kristus kumaa do pomogunan maya bontuk do kinosusuon Disio. Id gereja do Gereja Ritus Barat om Timur, kikotumbayaan yolo do miagal kokomoi do Epifani (Manifestasi Yesus Kristus) kumaa do tulun sompomogunan nga misuai i o kopomuhandaman do kinaantakan.

Sumusuhut, id suang do Gereja Barat, Epifani nopo nga montok do momuhondom toi ko' momunsorou kawagu do kinorikatan do tulun Majus i mantad do Timur toi ko' Tiga Raja i minongoi ompuya' di Yesus ontok di kosusuusu. Kinaantakan diti popokito do Manifestasi Bayi Yesus Kristus kumaa tulun Yahudi suai ko' bansa' Yahudi i kirati do pointongkop pogun sabaagi do Anak Allah.

Sundung pia miagal diri nga nung id Gereja Timur, Efipani nopo diti nga taandakon diolo montok do momunsorou kawagu kinoponsuan di Yesus Kristus id Sungai Yordan maya di Yohanes Pembaptis. Kinaantakan diti popokito do Manifestasi Yesus Kristus nopo nga minonimpuun do karya pelayanan Dau sabaagi Anak Allah toi ko' oinsaru nogi do lohoon sabaagi do Teofani. Suai ko ilo', id Gereja Ritus Timur, Epifani nopo diti nga nointutunan nogi sabaagi do dunduk kapanaandakan tadau Natal toi ko' tadau Kinosusuon di Yesus Kristus id nombo do pomuhandaman iti mantad 25 Momuhau gisom do 5 Milatok monikid toun.

Maya do ahal diti, okito do tadau Epifani nopo nga misuai o kinaantakan do panaandakan id pogun Barat om Timur nga miagal i kasari o kotumbayaan id nombo do kotumbayaan nopo dau nga kokomoi do Manifestasi Bayi Yesus Kristus.

Intangan kawagu

• Kelahiran Yesus
• Natal