Wp/dtp/Elizabeth II

Rani Elizabeth II

Elizabeth II (Elizabeth Alexandra Mary; 21 Ngiop 1926 – 8 Manom 2022) nopo nga Ratu United Kingdom om alam Komanwel di suai mantad 6 Februari 1952, gisom kinoiduan pogun disido ontok toun 2022. Isido nopo nga rani kumaa 32 pogun 'berdaulat' solinaid koposion disido om 15 pogun ontok timpu kinoiduan pogun disido. Pomolintahan disido solinaid 70 toun om 214 tadau nopo nga timpu di bobos alaid mantad ko' nombo- nombo laja British om pomolintahan bobos tanaru di poinhimag mantad koinsanai laja tondu id sajara.

Koposion pogulu

Pinorani i Elizabeth ontok 02:40 (GMT) maso 21 Ngiop 1926 maamaso do pomolintahan do todu disido id sampaping do tapa dau, Laja George V. Tapa dau, Duke York (sumusuhut Raja George VI), nopo nga tanak koduo di George V. Tama disido, Duchess York (sumusuhut Permaisuri Elizabeth Permaisuri Bonda), nopo nga tanak komulakan kumaa songulun bangsawan Scotland, Claude Bowes-Lyon, Earl Strathmore om Kinghorne ko-14. Elizabeth pinorani id walai London (17 Bruton Street, Mayfair) maya pamayayakan Caesarean. Binaptis isido di Uskup Agung York mantad Gereja Anglikan, Cosmo Gordon Lang, id gereja sondii Istana Buckingham ontok 29 Mikat om minomungaran Elizabeth kopihondot ngaran molohing dau tondu. Ngaran Alexandra nopo nga kopihondot miampai ngaran kooduan id sampaping tapa dau i noiduan pogun onom tulan pogulu po di. Ngaran Mary kopihondot kooduan id sampaping tapa dau linohou "Lilibet" di tongopaganakan poinsomok id nombo do ilo no o ngaran di pinolohou dau kumaa sondii id timpuunon poo. Lision kopio isido di toduon dau George V. Elizabeth minolohou George V sabaagi "Grandpa England" (Datuk England). Id suang do abal ointutunan om monuunuat di monuunuat biografi sumusuhut, kotombuluyan di Elizabeth di asaru maamaso toduon dau sumakit ontok toun 1929 rinayou tu pinopoinsawat sunduan di toduon dau om monguhup ponondulianan kolingasan di toduon dau diri.