Wp/dtp/Buuk

Buuk nopo nga kapingan do kalatas ii kisuat om somonu nopo nga kigambal ii piisoon kumaa do unit. Id suang sains kopustakaan nopo nga, ointutunan o buuk diti sabaagi do monograf montok popisuai miampai do terbitan kisiri ii suai mantad do majalah om nogi abal. Buuk nopo diti nga morujuk do buuk ii noterbit om okon ko nuununu kalatas ii numan piomungo om kinagasan.

Miampai do koburuan id gana pomogunan informatik dondo, ointutunan nogi o tiknologi buuk elektronik ii milo basaon o tonsi om nogi kakamot natantu miagal ko komputer ii kikawo do mija, laptop, tablet, tolipaun om suai po ii monguhup perisian poimbida di natantu.

Pomoguasan[sunting | sunting sumber]

Hogot buuk nopo nga noolos mantad Belanda: boek [roitan buk], iti nontodon mantad guas boros Germanik "*bōk-" ii monuku do spesies Fagus (Kopisuai do Belanda:beuk, boros Inggeris: beech ) id honggo mogigion mimboros Germanik ontok timpu di laid otumbayaan do minonimung ponuatan diolo id kulit do puun.

Kiwaa nogi hogot kitab (noolos mantad boros Arab كتاب‎ kitāb koulayon ism boros maan كَتَبَ‎ kataba "monuat") iti di gulu monuku do iso no teks di nojilid sumiliu iso. Koubasanan nopo ahal di okito sabaagi kitab nopo monuku do ponuatan kuno di haro kouludan kooturan, toi ko harp kooturan di mongulud. Ini oguno nogi montok mamarait inus di winonsoi lundu di pogulu po di milo posilihon hinta do popointalang iso kinantakan di nakatalib miagal do buuk tolidang. Porinta'-porinta' di timpu nakatalib id Nusantara manahak pamagatangan di asawat kumaa lundu diti do monorita koposion om kogoyo'o raja-raja ontok timpu dii do maan potungkuso maya ponuatan. Koubasanan pomogunoon guasan kitab nosowoli do boros buuk noolos mantad boros Belanda ontok abad ko-20 di ondasan do lobi kosudong do ahal suai ko tugama di lobi ogumu om lobi alaab do zaman-zaman rumikot.