Wp/dtp/Biografi

Biografi nopo nga komoyon do susuyan otopot do koposion songulun tulun. Rati nopo do "biografi" nga mantad nogi do boros Yunani, bios i kirati do "koposion", it piruhangan do graphein, i kirati do "monunurat". Ondung nopo songulun tulun minonurat biografi kokomoi koposion dau sondiri, roitan ilo sabaagi do autobiografi. Om biografi di minan siliho do filem (wayang/tayangan) nga lohowon nogi do biopik.

Ii dinalin kumaa Bunduliwan Tosudong, biografi nopo nga' adalin kumaa woyoiyau tu' iyau nopo nga' mitahos (songkomoyon) do pasi kasari. Om autobiografi adalin do pisugkuon do ...-tinan sumiliu woyoiyautinan. Kapamansayan do patod boros wagu do hingkaa tumanud nogi doid boros Ilinika Totuo (Ancient Greek).

I nopo gulu-gulu po, kogumuan do biografi nopo nga kokomoi do koposion do pomorinta toi ko tulu do karajaan. Pointongkop do biografi miagal diti id pomogunan do Assyria, Babylonia, Mosir om Mesopotamia. Nga tontok nopo do maso gulu-gulu kopio id Yunani, ogumu o tulun monunurat biografi, okon nopo kokomoi do pomorinta karajaan nga haro nogi kokomoi do tulun di maran-ngaran. Minonurat ih Xenophon oh iso biografi di Socrates, songulun pomusorou (thinkers) do maran-ngaran om ngaran nopo buuk dilo nga Memorabilia di komoyon do "kahandaman". Habar Tosonong nogi nga biografi di Yesus Kristus.