Wp/dtp/Bakas

Bakas

Bakas nopo nga minintonod mantad talun id kaawasan Eropah Tengah, Mediterranean (kaampai no Banjaran Atlas Afrika Utara), om nogi kaawasan id Asia gisom Indonesia Kabaatan. Bakas nogi nga' noowit suminuang id ogumu kinoyonon suai. Poinsuang nogi o bakas id suang do fimili Suidae miagal do Warthog om Bushpig hilo id Afrika, Pygmy Hog id India Koibutan om bakas Rusa id indonesia.

Winagat do bakas diti nopo nga' korikot gisom 44 paun (200 kilogram) montok bakas di nosukod, om gisom 6 gakod (1.8 meter) o ninaru. Nung kagagang, bakas kaanu dumadi di orongit kopio, loolobi no kopio karud om tangaanak di karud. Iso laang nopo do bakas mongumolig tinan diolo sondii nga miampai momoguno lamai.

Bakas nopunso id Great Britain ontok abad ko-17, nga bakas-bakas di minsakag id pomogunan tolias nokoguli kawagu id pipiro konoyonon muagal do Weald, kalapas minogidu mantad pomiaraan bakas.

Kowowoyo Bakas[sunting | sunting sumber]

Bakas poimpasi di tionon di haro o 20 tinan do bakas. mulong po ingkaa tinimungan bakas di soginayo 50 tinan nopo koumbal do nokito. Id tinimungan toomod, kiwaa duo toi tolu tinan bakas karud om tanganak dau; kanas gontoluhon nopo nga onok ko sobogian do tinimungan id suai ko timpu hawun om asaru do oilaan do okito songinan no. Kosusuan nopo nga koubasanan miontok do musim bunga; Songinan bakas karud koubasanan nopo nga kitanak do limo nga haro nogi di kokito kitanak gisom 13 tinan.

Bakas nopo nga tayam do nokturnal, om mogihumm taaganon mantad sodopo gisom sarap susuabon, miampai timpu-timpu mundorong do goduduo timpu tadau om totuong. Iti nopo nga sabab do mangansa diolo au kopio aparagat ontok timpu tangadau. Bakas mangakan ogos no koinsanai nunu i nokito kohompit no kasang, tua beri, kasou, tonsi napasa di norobuk, rinomos, songongi, om reptilia tokoro, om nogi tanak pasu om tangak kambing.