Wp/dtp/Anne Frank

Anne Frank
Anne Frank
	Frank ontok Mikat 1942, duo tulan pogulu luminisok isido miampai paganakan
Born	Annelies Marie Frank; 12 Mahas 1929; Frankfurt, Prussia, Weimar Republic
Died	c. Mansak toi ko' Gomot 1945 (umul 15); Bergen-Belsen concentration camp, Nazi Germany
Resting place	Bergen-Belsen concentration camp
Occupation	Diarist
Language	Dutch; German;
Education	6th Montessori School Amsterdam (1934–1941); Template:Wp/dtp/Ill; (1941–1942);
Genre	Biography; autobiography;
Parents	Otto Frank (father); Edith Frank (mother);
Relatives	Margot Frank (sister); Buddy Elias (cousin);
Signature

Annelies Marie Frank toi ko' lobi ointutunan sabaagi Anne Frank (12 Mahas 1929 - Mansak toi Gomot 1945)^[1] nopo nga songulun monuunuat diari mantad Jerman. Songulun mantad ko' rundun Yahudi di bobos boroson id Holokus, nointutunan isido alapas kolobusan buuk dau, The Diary of a Young Girl (intodonon Het Achterhuis id Boros Dutch, lit. Boros Kadazandusun: Hihimu Annex), id hombo minonuat isido kokomoi koposion dau linumisok mantad toun 1942 gisom 1944, ontok pomorintaan Jerman id Belanda masaan Sangod Pogun II. Iri nopo nga buuk dii bobos nointutunan id sompomogunan om nosiliu impohon montok piipiro drama om filem.

Koposion Pogulu

Nosusu i Frank miampai ngaran Annelies toi ko' Anneliese Marie Frank ontok 12 Mahas 1929 id Klinik Palang Merah Maingau id Frankfurt, Jerman. Tanak isido di Edith (née Holländer) om Otto Heinrich Frank. Haro songulun taka disido i kingaran Margot. Paganakan Frank nopo nga Yahudi liberal, om amu tumanud toinsanan koubasanan tugama Yahudi. Poingion yolo id tinimungan kiimpohon kotinoruan Yahudi om okon ko' Yahudi mantad mogiisuusuai tugama. Edith nopo nga molohing di mumboyo kumaa tangaanak, daamot i Otto nopo nga asanangan do abaabayan ilmiah om haro librari di alaab; koduo-duo molohing dii mongunsub tangaanak diolo do mambasa. Ontok kinosusuan di Anne, paganakan dii poingion id iso walai id Marbachweg 307, id hombo minoniwa yolo duo tingkat. Ontok toun 1931, paganakan dii minundaliu id Ganghoferstrasse 24. Koduo-duo walai diti kakal po haro gisom dinondo.

Koiyonon kinosusuan Anne Frank, Klinik Palang Merah Maingau

Blok apartmen id Merwedeplein, kinoyonon paganakan Frank poingion mantad 1934 gisom 1942

Ontok toun 1933, alapas nakalantoi Parti Nazi Adolf Hitler do pilihan raya persekutuan, minion i Edith Frank om tangaanak dau miampai tama Edith, Rosa id Aachen. Poingion kasari i Otto Frank id Frankfurt nga alapas nakaanu tawaran montok popotimpuun iso koisaan id Amsterdam, minundaliu isio hilo montok mongulud ....... montok paganakan dau. Tinumimpuun isio kumalaja id Opekta Works, iso koisaan di papadagang do ekstrak tua' pektin, om nokokito iso apartmen id Merwedeplein (Rinantaion Merwede) id koiyonon Rivierenbuurt, Amsterdam. Dumikot Mansak 1934, minoyo i Edith om tangaanak dau kuminaa id Amsterdam. Paganakan Frank nopo nga kohompit do 300,000 tulun Yahudi di minogidu mantad Jerman ontok toun 1933 om 1939.

Alapas minindaliu id Amsterdam, duminaptar i Anne om Margot Frank id sikul—Margot id sikul ogonop om Anne id sikul Montessori. Minopokito i Margot do kabaalan id aritmetik, om minopokito i Anne do kabaalan mambasa om monuat. Tambalut di Anne, i Hanneli Goslar, nokosorou nogi do mantad timpuunon tangaanak, asaru i Frank do monuat sundung do mada yau moboros suang ponuatan dau.

Ontok toun 1938, minonimpuun i Otto Frank koisaan kumoduo dau, Pectacon, ii nopo nga mamajak do rusap, silaon, om rampa, di gunoon id kopolobusan sosej. Kinumalaja i Hermann van Pels id Pectacon sabaagi mononsunud kokomoi rampa. Songulun mongungudar daging Yahudi, minogidu yau id Osnabrück miampai paganakan dau. Ontok toun 1939, rinumikot tama di Edith Frank montok mion miampai paganakan Frank, om kakal poingion miampai diolo gisom napatai ontok tulan Milatok 1942.

Ontok tulan Mikat 1940, sinangod di Jerman o Belanda, om tuminimpuun o kalajaan pondudukan do mongunsasana Yahudi miampai papaharo kooturan di oogot om diskriminasi; pondaptaran mandatori om pitongkiadan au alaid sinumuhut. Minumbal i Otto Frank do mongurus paganakan montok mundaliu id Amerika Syarikat.

Sukuon

↑ Research by The Anne Frank House in 2015 revealed that Frank may have died in February 1945 rather than in March, as Dutch authorities had long assumed. "New research sheds new light on Anne Frank’s last months". AnneFrank.org, 31 March 2015

[DeathResearch-1] Research by The Anne Frank House in 2015 revealed that Frank may have died in February 1945 rather than in March, as Dutch authorities had long assumed. "New research sheds new light on Anne Frank’s last months". AnneFrank.org, 31 March 2015

[1]