Wp/dtp/Amerika Syarikat

United States of America
Flag Coat of arms
Motto: "In God We Trust" Other traditional mottos: Template:Wp/dtp/Native phrase "Out of many, one" Template:Wp/dtp/Native phrase "Providence favors our undertakings" Template:Wp/dtp/Native phrase "New order of the ages"
Anthem: "The Star-Spangled Banner"
Capital	Washington, D.C. 38°53′N 77°1′W
Largest city	New York City 40°43′N 74°0′W
Official languages	None at the federal level
National language	English (de facto)
Ethnic groups (2020)	By race: 61.6% White 12.4% Black 6.0% Asian 1.1% Native American 0.2% Pacific Islander 10.2% two or more races 8.4% other By origin: 81.3% non-Hispanic or Latino 18.7% Hispanic or Latino
Religion (2022)	Template:Wp/dtp/Ublist
Demonym(s)	American
Government	Federal presidential constitutional republic
• President	Joe Biden
• Vice President	Kamala Harris
• House Speaker	Mike Johnson
• Chief Justice	John Roberts
Legislature	Congress
• Upper house	Senate
• Lower house	House of Representatives
Independence  from Great Britain
• Declaration	Madas 4, 1776 (1776-07-04)
• Confederation	Gomot 1, 1781 (1781-03-01)
• Recognized	Manom 3, 1783 (1783-09-03)
• Constitution	Mahas 21, 1788 (1788-06-21)
• Last Amendment	Mikat 5, 1992 (1992-05-05)
Area
• Total area	Template:Wp/dtp/Convinfobox/sec2 (3rd[lower-alpha 3])
• Water (%)	4.66 (2015)
• Land area	3,531,905 sq mi (9,147,590 km2) (3rd)
Population
• 2023 estimate	334,914,895
• 2020 census	331,449,281 (3rd)
• Density	Template:Wp/dtp/Convinfobox/sec2 (185th)
GDP (PPP)	2023 estimate
• Total	$26.950 trillion (2nd)
• Per capita	$80,412 (9th)
GDP (nominal)	2023 estimate
• Total	$26.950 trillion (1st)
• Per capita	$80,412 (7th)
Gini (2020)	39.4 medium
HDI (2021)	0.921 very high · 21st
Currency	U.S. dollar ($) (USD)
Time zone	UTC−4 to −12, +10, +11
• Summer (DST)	UTC−4 to −10
Date format	mm/dd/yyyy
Driving side	right
Calling code	+1
ISO 3166 code	US
Internet TLD	.us

Amerika Syarikat nopo nga iso pogun id Amerika Koibutan. Ii nopo nga republik kiperlembagaan persekutuan ii kiwaa 50 negeri,iso daerah persekutuan om limo wilayah ii au diperbadankan, 326 tanah rizab indian, om 9 pulau tokoro i terpencil. Pogun diti kiginayo 9.8 juta kilometer persegi, mantad dii, nosiliu pogun diti do pogun ko-4 bobos tagayo hiti pomogunan. Pialatan pogun diti nopo nga miampai Kanada id Koibutan om Mexico id kabaatan; pialatan maritim nopo nga popohompit do pogun Bahamas, Cuba, Rusia om ogumu po. Haro soginumu 331 juta tulun mogigion id suang pogun diti gisom nosiliu sabaagi pogun kotolu bobos ogumu oo mogigion id pomogunan.

Pomungaranan

Id toun 1507, pakar Kartografi Jerman, Martin Waldseemüller minomonsoi do iso peta pomogunan, id suang peta dii, pinungaranan dau oo kinoyonon id Hemisfera Kotonobon sabaagi "America" miampai minomoguno ngaran pengembera om pakar Kartografi Itali, Amerigo Vespucci.

Sajara

Peribumi Amerika om Tutumombului Eropah

Kaum tadon/mantad Amerika Syarikat(miampai Alaska) nopo nga nabarasan Kaum mantad id Asia it minundaliu maso 12000-40000 toun nakatalib. Mantad tinimungan tulun dii, nakaanu yolo popoindalan do pomutanaman canggih, inus kapamansayan di olundu om tongoulun di kiwaa patriotik takawas, okito ahal dilo maya Koubasanan Mississippi Pra-Columbus. Nga, mantad kinorikatan do tongoulun mantad id Eropah, ogumu tulun mantad ii napatai sabab nakaanu toruol di noowit mantad Eropah miagal ko Cacar Air.

ilustrasi kapal Mayflower mongowit mogigidu mantad Puritan id pomogunan kawagu maso toun 1620 (The Mayflower in Plymouth Harbor oleh William Halsall, 1882).

Id toun 1492 songulun pengembara mantad Genoa, Christopher Columbus, tumanud kontrak karajaan sepanyol, nokoruba doo piipiro pulau id Karibia,om nokoponorubung dot tulun momogun. Id 2 Ngiop 1513, Konskuistador Sepanyol, Juan Ponce de Leon sinumondot id kinoyonon ii pinungaranan do "La Florida"-Catitan koiso do kinorikoton tulun Eropah id tana tagayo do AS.

Kemerdekaan om Koinlaaban

Au kopionungan miampai tulun koloni Amerika om British maso zaman Revolusi Amerika id toun 1760-an om id gulu do toun 1770-an, mogowit do Sangod Revolusi Amerika it nadadi mantad toun 1775 gisom 1781.

Geografi

Gambal Satelit it popokito do Topografi Tanah Induk AS

Ginayo tanah Amerika Syarikat(au poinsuang oo boogian Alaska) nopo nga 7.7 juta kilometer pasagi. Boogian Alaska it katanid mantad tanah tagayo toi ko tanah induk AS nopo nga negeri bobos tagayo miampai 1.5 juta kilometer pasagi ginayo. Nga negeri Hawaii it sabaagi kopulauan id lintangah do Rahat Pasifik kiginayo 10 kilometer pasagi. Mantad kinoyonon it atatayad do pogun AS dii, nosiliu oo AS sabaagi pogun ko-4 bobos tagayo id pomogunan(Tanah om Rahat). Sundung pia di nga haro nogi ii momoros do ginayo pogun AS nopo nga id taang ko-3 sabab ginayo pogun China kakal po pigagaon sabab pisasaladan po miampai pogun India. Suai mantad dii, woyo pongintaban ginayo pogun diti nogi nga au konsisten tumanud piipiro toud miagal ko: CIA World Factbook nopo nga 9.8 juta kilometer pasagi, Boogian Statistik PBB nopo nga 9.6 juta kilometer pasagi om Encyclopædia Britannica nopo nga 9.5 juta kilometer pasagi. Nga montok kinagayo do boogian tanah, AS nopo nga id taang kotolu id sompomogunan ahapas Rusia om China.

Karajaan

Amerika syarikat nopo nga pogun persekutuan di bobos talaid id pomogunan. Pogun diti popoindalan do sistem karajaan republik kipelembagaan om demokrasi kiwakil, "id nonggo pemerintahan majoriti nopo arahung do hak minoriti it ogompi do undang-undang." Karajaan AS kawalon do sistem sekatan om imbangan mantad perlembagaan AS, ii no tu dokumen perundangan bobos takawas id pogun dii.

Piboogian politik

Amerika Syarikat nopo nga koisaan persekutuan do 50 negeri. 13 negeri mantad nopo nga tinungkusan 13 koloni it memberontak do pemerintahan British. Id kinotimpuhunan do sajara pogun, haro 3 negeri wagu aasil pinotongkiadan mantad tuntutan negeri-negeri mantad, iri no tu: Kentucky mantad Virginia; Tennessee mantad Carolina Koibutan;om Maine mantad Massachusetts. Kogumuan negeri suai noukab maya sangod toi ko noboli. Vermont, Texas om Hawaii nokoumbal nokosiliu do republik obibas pogulu nadadi do puru koisaan. Id maso Sangod Internal Amerika, Virgina Kotonobon tinumongkiad mantad Virginia. Toinsanai negeri aiso hak lumabus mantad koisaan.

Pionitan labus om tantara

Amerika Syarikat kiwaa rahung tagayo id gana ekonomi, politik om katantaraan id tongkop do pomogunan. Yolo nogi nga iso pogun tatap id Majlis Koumoligan UN; id Bandaraya New York kinoyonon do Upis Induk UN. AS nopo nga puru do tinimungan G8, G20 om Koisaan Pogisosokodungan om Koburuon Ekonomi (OECD). Kogumuan pogun id pomogunan pinoingkakat do kedutaan id Washington, D.C., om nogi konsulat id tongkop pogun. Kogumuan pogun nogi nga pinoion do Misi Diplomatik AS. Sundung pia di nga haro piipiro pogun di aiso pionitan diplomatik miampai AS, iri no tu: Cuba, Iran, Korea Koibuatan, Bhutan, Sudan om Republik China(Taiwan).

Ekonomi

Amerika Syarikat papasarabak di ekonomi mirolot kapitalis it kaanu do harata mantad posorili, prasarana it nokobuburu om daya kopolobusan di akawas. Tumanud do Tinimungan Kousinan Sompomogunan, KDNK AS id $14.4 trilion kopiagal do 24% KDK id pasaran, om 21% KDK id Pariti Kuasa momoli. Mantad di AS nosiliu sabaagi pogun di kiwa KDNK kabansaan bobos takawas id pomogunan, sundung pia okuri soginumu 5% mantad KDNK Koisaan Eropah id PPP toun 2008.

Demografi

Tumanud do Biro Banci Amerika Syarikat, Mogigion id AS kiwaa soginumu 345,009,000 poinsuang oo 11.2 juta ginumu modidikot ilegal. Sabaagai pogun kotolu di kiwaa mogigion bobos togumu id pomogunan ahapas China om India, AS nopo nga iso pogun industri it mongunsub do koburuon ginumu mogigion di tagayo. Miamapai kadar kosusuan 14.82 per 1000, 30% id siriba purata pomogunan, suai mantad di kadar koburuon mogigion dau nopo nga soginumu 0.98%, akawas mantad Eropah Kotonobon, Jipun om Korea Kabaatan. Id toun 2009, haro 1.1 juta modidikot ilegal natahakan do dokumen mogigion legal. Pogun Mexico nopo nga puun tagayo do koinkawasan ginumu mogigion id AS mantad 20 toun nakatalib; mantad 1998, China, India, Filipina nopo nga apat pogun suai it nadadi do guas modidikot suai it ogumu id AS.

Pondidikan

Pondidikan sandad id Amerika Syarikat maan tondilio do karajaan negeri om lokal id siriba do Jabatan Pondidikan Amerika Syarikat tumanud sekatan do geran persekutuan. Id kogumuan negeri, tangaanak mositi do mooi sumikul mimpuun id umul 6 toi ko 7 toun gisom id 18 toun. Sundung pia di nga haro ii piipiro negeri di papasaga do tangaanak tumingkod sumikul id umul 16 toi ko 17 toun. Soginumu 12% tanganak di sumikul id sikul swasta mubaligh om sekular. Haro lobi 2% no tangaanak di sumikul id walai.

Kolidasan

Purata konoruo do sukud sosongulun id AS mantad kinosusuon nopo nga 77.8 toun, ii no tu 1 toun lobi oruhai mantad purata id Eropah Kotonobon, om 3 toi ko 4 toun pialatan id dohuri do Norway, Switzerland om Kanada. Mantad duo dekad dilaid, AS nokoinsiriba mantad id taang ko-11 mooi id taang ko-42 id suang aspek purata konoruan do sukud sompomogunan. Kadar kapataian do buragang nopo nga 6.37 per 1000, it popoion do AS id taang ko-42 mantad 221 pogun, id dohuri do toinsanai pogun id eropah kotonobon. 1 mantad 3 mogigion rantaban id AS nopo nga obesiti om 1 mantad 3 suai nopo nga nalakalaba oo winagat tinan, kadar kolomuan AS di bobos takawas id pomogunan industri nokoinggumu soginumu lobi induo mantad ginumu mantad maso suku abad di nakatalib. Penyakit kencing manis kawo ko-2 okito sabaagi iso wabak id suang masyarakat AS kah di Pakar Kolidasan.