Jump to content

Wp/dtp/Agnez Mo

This is a good article. Click here for more information.
From Wikimedia Incubator
< Wp‎ | dtp
Wp > dtp > Agnez Mo

Script error: No such module "Wp/dtp/Protection banner".

Agnez Mo
Kinosusuon
Agnes Monica Muljoto

(1986-07-01) Madas 1, 1986 (umul 37)
Jakarta, Indonesia
NationalityIndonesia
Other namesAgnes Monica
Occupations
  • Susuminding
  • monunupu sinding
  • susumayau
  • actress
  • record producer
  • director
  • businesswoman
AgentUnited Talent Agency
GaaFull list
Musical career
Genres
Instrument(s)Template:Wp/dtp/Flat list
Labels
Websiteagnezmo.com
Signature

Agnes Monica Muljoto (1 Madas 1986) toi ko' ointutunan sabaagi Agnez Mo nopo nga songulun susuminding, mimingkono om susumayau Indonesia. Ointutunan isido maya sinetron Pernikahan Dini (2001-2003) ii pinokito id RCTI, hinombo mingkono isido sabaagi tondu tomulok ii kakal po poinsikul om nokopogontian id labus pisasawaan. Suai ko ii, luminoyou nogi isido sondii montok sinding tema sinetron miampai uhu di miagal. Isido nogi nga selebriti di opuhawang id Indonesia miampai gatang koonuan kasar soginumu AS$ 16 riong.[1]

Koposion gulu

Nosusu i Agnes Monica ontok 1 Madas 1986, id Jakarta, Indonesia id suang paganakan do Cina, Jipun om Jerman. Tanak tohuri isido kumaa di Jenny Siswono, ii bagas mamaamain tenis mija, om Ricky Muljoto, bagas mamaamain buul keranjang.[2][3][4] Tabang gulu dau nopo ii Steve Muljoto nopo nga sabaagi do manarampas dau.[5] Suminikul isido id Sikul Tosiriba Tarakanita om Pelita Harapan.[6] Kabaalan dau id inus koposolimbahan nopo nga nokito mantad di tanak po, loolobi no id gana lulumoyou. Lumoyou nogi isido id gorija om pinaatod kumaa do kursus vokal.[6]

Bakat

Agnes Monica nopo nga kiwaa bakat soprano di agaras miampai mogikaakawo vokal ii kiwaa apat oktaf. Sinding di Agnes nogi nga milo do klasifikasi sabaagi pop, R&B toi ko' hip-hop. Minomboros isido do narahung o muzik dau mantad di Aretha Franklin, Madonna, Michael Jackson, Fantasia, Brandy Norwood, Lauryn Hill, Christina Aguilera om Beyoncé. Suai ko toilaan lulumoyou dau, ointutunan nogi isido sabaagi susumayau di agaras om milo no mingkono.

Gaa om pamagatangan

Nakalantoi i Agnes Monica sabaagi do susuminding Indonesia i ingumu do nokotorimo gaa. Gaa ii tabantug do nokoumbal dau nalantoi nopo nga kohompit no 17 Gaa Musik Indonesia, 8 Gaa Panasonic, 5 Nickelodeon Indonesia Kids Choice, dan 4 Gaa MTV Indonesia. Nokotorimo nogi isido do mogikaakawo gaa sompomogunan, kohompit do 1 Gaa Planet Muzik, 3 Festival Lagu Asia, 7 Gaa JPopAsia Music, 1 Gaa Muzik Asia Mnet, 1 Shorty Awards, 3 Gaa Social Star, dan 1 World Music Awards. Sabab do sakadai om sokodung dau id muzik Indonesia, noonuan nogi isido do Gaa Nugraha Bhakti Muzik Indonesia 2011 (NBMI) mantad Montiri Kebudayaan om Pelancongan, om Piisaan Susuminding, Monuunuat sinding om Penerbit Rakaman Muzik Indonesia.

Filemografi

Sinetron

  • Lupus Millenia (1999)
  • Mr. Hologram (1999)
  • Pernikahan Sini (2001)
  • Amanda (2002)
  • Ciuman Pertama (2002)
  • Cinta Selembut Awan (2002)
  • Cewekku Jutek (2003)
  • Cantik (2004)
  • Bunga Perawan (2004)
  • Ku T'lah Jatuh Cinta (2005)
  • Pink (2006)
  • Romance In The White House (2006)
  • The Hospital (2006)
  • Kawin Muda (2006)
  • Jelita (2008)
  • Kawin Masal (2008)
  • Pejantan Cantik (2010)
  • Marissa (2011)
  • Mimo Ketemu Poscha (2012)

Sukuon

  1. "Top 10 Richest Celebrities of Indonesia 2017" [10 Teratas Selebriti Terkaya Indonesia 2017]. TopRichest.com. No. Online. TopRichest.com. 2016. Linoyog ontok 20 Mei 2017. (Inggeris)
  2. Jayani (21 April 2003). "Agnes Monica Mewarisi Semangat Maestro dari Ibu". Gatra. Linoyog ontok 22 January 2011. (Indonesia)
  3. "Terus Bergerak". Suara Merdeka. Linoyog ontok 7 December 2011. (Indonesia)
  4. "Hot! Behind The Scenes with Agnez Mo" [Panas! Di Belakang Tabir bersama Agnez Mo]. Youtube. Linoyog ontok 8 June 2014. (Inggeris)
  5. "Agnes Monica Percaya Tim Keluarga" [Agnes Monica Percaya Pasukan Keluarga]. Tempo Interaktif. 3 November 2008. Linoyog ontok 22 January 2011. (Indonesia)
  6. 6.0 6.1 "Agnes Monica: Ikon Kontroversi, Kehebohan & Kesuksesan" [Agnes Monica: Ikon Kontroversi, Kehebohan & Kejayaan]. Tembang.com. Linoyog ontok 23 January 2011. (Indonesia)