Wp/dgo/चन्हांऽ नदी
चन्हांऽ नदी भारत ते पाकस्तान च बगने आह्ली इक नदी ऐ, जेह्ड़ी पंजाब दियें पंज मुक्ख नदियें चा इक ऐ। एह भारत दे म्हाचल प्रदेश दे ल्हौल ते स्पीती जि'ले च उप्पले म्हाले च चंदरा ते भागा नदियें दे संगम कन्नै बनदी ऐ। चन्हांऽ जम्मू ते कश्मीर दे जम्मू प्रांतै शा होइयै पंजाब, पाकस्तान दे मदानें च बगदी ऐ ते ऐंत्तै च सिंधु नदी च बगी जंदी ऐ। सिंधु पानी संधी दे मताबक पाकस्तान गी चन्हां नदी दा पानी सौंपेआ गेदा ऐ।