Wp/dga/Rockson-Nelson Dafeamekpor
Hon. Rockson Nelson Etse Kwame Dafeamekpor e la Gaana pɔleteseɛ̃ŋ aneŋ begimaala naŋ areko a South Dayi vooten lombori naŋ bé a Volta region teŋa poɔ. O e la a paati bikpeɛŋaa ako a kɔtɔweɛ paati.[1]
O Nyɔvore Piiluu Aneŋ O Sakuu
O da nyɛ la gama mine ba naŋ boɔla BSc in Tourism a yi Sakuu ŋa ba naŋ boɔla University of Cape Coast. O da lɛ gaa la nimitɔɔre a lɛ yineŋ gama mine ba naŋ boɔla LL.B a yi sakuukpoŋ ŋa ba naŋ boɔla University of Gaana. O da lɛ gaa la nimitɔɔre a te gaa lɔɔ Sakuu ŋa ba naŋ boɔla Gaana school of Law, a Sakuu ŋa la ka o da baare a lɛo Barrister-at-Law.[1]
O Toma Yɛlɛ
Sɛre oŋ lɛo a begimaala o da e la Senior Associate ako Hayibor, Djarbeng aneŋ Company Law Firm kaŋa naŋ bé Kokomlemle zie kaŋa naŋ bé a Akraanaa paaluŋ poɔ.[1]
O Naakoɔ̃ Yɛlɛ
O da kpɛ la a begimaale dié a 2016 vootenkpoŋ yuoni poɔ, béŋ ka o da di a kogo aneŋ 71.44% kɔɔ poɔŋ, ŋaa da ko o 8% kɔɔ poɔŋ a kɔtɔweɛ paati begimaaleba naŋ bé a begimaale dié poɔ[2][3][4]
A 2020 vootenkpoŋ yuoni poɔ o da lɛ di la a kogo neŋ vootere 72.7% kɔɔ poɔŋ ako a kɔtɔweɛ paati.[5][6]
O Meŋa Yɛlɛ
O e la kristabie, o taa la pɔge aneŋ biiri banaare.[1]
Sorezu Nyagma Naŋ Pɔge O
A 14 ɔɔgore 2021 yuoni poɔ, duoro da wɛɛŋ ka sorezu nyagma da pɔge o la a Aveyime sore naŋ bé a Volta region poɔ. O lɔɔre da sããyɛŋ a yi wagre ŋa lɔɔre ŋa ba naŋ boɔla KIA naŋ da tuori o ka o da lé neŋ a lɔɔre a da pere.[7][8] Ba da de o la gaa neŋ a 37 military hospital dié, béŋ ka o da nyɛ tegibu.[9][10]
Yɛlɛ Yizie
- ↑ 1.0 1.1 1.2 1.3 https://en.m.wikipedia.org/wiki/Rockson-Nelson_Dafeamekpor#cite_note-ghanamps-1
- ↑ https://en.m.wikipedia.org/wiki/Rockson-Nelson_Dafeamekpor#cite_note-ecg2016results-2
- ↑ https://en.m.wikipedia.org/wiki/Rockson-Nelson_Dafeamekpor#cite_note-3
- ↑ https://en.m.wikipedia.org/wiki/Rockson-Nelson_Dafeamekpor#cite_note-electionpassport-4
- ↑ https://en.m.wikipedia.org/wiki/Rockson-Nelson_Dafeamekpor#cite_note-5
- ↑ https://en.m.wikipedia.org/wiki/Rockson-Nelson_Dafeamekpor#cite_note-6
- ↑ https://en.m.wikipedia.org/wiki/Rockson-Nelson_Dafeamekpor#cite_note-7
- ↑ https://en.m.wikipedia.org/wiki/Rockson-Nelson_Dafeamekpor#cite_note-8
- ↑ https://en.m.wikipedia.org/wiki/Rockson-Nelson_Dafeamekpor#cite_note-9
- ↑ https://en.m.wikipedia.org/wiki/Rockson-Nelson_Dafeamekpor#cite_note-10